Galat-na 5:19 - Bible azumeina

¹⁹ Wani sunda hi sa mei ma adjeunid’a ti ni woi abu pid’agï, nala, mizeuna, ndjendjed’a, gaulangâ,

Galat-na 5:19 ပူးပေါင်းရင်းမြစ်များ

Sawal la giled’a 17:4

Kayam zla d’a ndeï avunanga, an wal tan ndei ki suma asa’atna yam sun nda azi nga lata.

Jean 3:6

Sama sana mi vud’uma ni sana, sama Muzu’â hAlonina mi vud’uma ni hi Muzu’îna mi.

Romê-na 7:18

An wala vama djivi mi nga kurun ndi, nala, kur sa man ma adjeuna. Wani le an min á le djivi d’a nga kurunda pî, an ndak á lat ti.

Romê-na 7:25

An le mersi mAlona yam Jesus Christ Saleina. Hina, an tanda nga ni le sunda kur gata hAlonid’a ki djib’er manda, wani kur sa man ma adjeuna, an nga ni le sunda ni kur gata hi tchod’id’a.

Romê-na 7:5

Kid’a ei tid’i yam minda hi sa mei ma adjeunid’a, gata ti zut djib’er ra tchod’a á le sunda ir hliu tei á ï kur matna.

Romê-na 8:13

Le agi tid’igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid’a woi yam ad’enga hi Muzu’â hAloninid’a ni, agi mba kagagi karid’a.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

Romê-na 8:5

Kayam suma a nga tit bugol sa mazi ma adjeunina, a nga le ni minda hi sa mazi ma adjeunid’a, wani suma a nga tit bugol Muzu’â hAlonina, a nga le ni min mamba mi.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

1 Korente-na 6:18

Ar agi walagi woi ki mizeuna. Tcho d’a pet ta sana nga mi lata, tin ni woi abu atam pid’agï, wani sama nga mi le mizeunina mi le ni tam tchod’a.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Galat-na 5:17

Kayam sa mei ma adjeuna nga mi min Muzu’â hAlonina d’i, Muzu’â hAlonina nga mi min sa mei ma adjeuna d’uo mi. Azi djak nga min tazi d’i. Kayam ndata, agi ndak á le vama agi minima d’i.

Galat-na 6:8

Kayam sama zar yam minda hi sa mam ma adjeunid’a, mba mi fet ni vuta hi sa mam ma adjeunid’a, ni matna. Wani sama mi zar yam minda hi Muzu’â hAlonina, mba mi fet nari d’a didinda.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.