Galat-na 5:10 - Bible azumeina

¹⁰ Yam Salad’a an tin hurun kagi ala agi nga ki djib’er ra ding ngi. Wani mam ma b’lagagi djib’er magid’ina, le ni nge pî, Alona mba mi kam sariyad’a kamu.

Galat-na 5:10 ပူးပေါင်းရင်းမြစ်များ

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

2 Korente-na 1:15

Kayam ndata, an tin wa hurun ala an mba ni iza avok hatagi tua, kayam agi fagi djivid’a yagi á mbàd’a.

2 Korente-na 10:2

Wani an nga ni tchenegiya, fata an mbaza hatagid’a, an ar ngop pa an ngat kurun ala an mba ni ngop ki suma ding suma a nga dala ami nga tid’imi ni d’igi suma bei he gagazid’a na na woyo.

2 Korente-na 10:6

Ami minimi tami da’. Le agi gagi yagi kä kukud’ugu ni, ami mba kami sariyad’a yam suma bei hum vuna.

2 Korente-na 13:10

Le an sä adigagi d’uo pî, an nga ni b’irigi mbaktum mba wanda, kayam fata an mbazid’a, an mba ni lagi kad’eng nga Salad’a mi handjid’a d’i. Kayam ad’eng nga Salad’a mi handjid’a ná wulugi akulo kur he gagazid’a, ná b’lagagi d’i.

2 Korente-na 2:3

Ni kayam ndata ba, an b’irigi ki mbaktum ndata, tala le an mbaza hatagi agi suma lan tan djivid’ina, ar an fe hur ma zala atagi d’uo d’a. Kayam an wala ata yima an nga ni le furîd’ina, agi nga lagi furîd’a pet mi.

2 Korente-na 2:6

Sariya d’a suma ablaud’a a kat yam sa mámid’a, ti ndaga.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

2 Korente-na 7:16

An nga ni le furîd’a ngola kayam an tin hurun kagi yam ahlena pet.

2 Korente-na 8:22

Kayam ndata, ami sunumi wiyei ma ami kugum yami ablaud’ina ki sed’eziya. Ami wum mam nga hat hurum ngola, wani ki tchetchemba, nga mi hat hurum ngola kala, kayam mam tin hurum ngola kagiya.

Galat-na 1:7

Gagazi, Zla d’a Djivi d’a ding nga d’i, wani an nga ni dagi hina kayam suma dingâ a nga b’lagagi djib’er magid’a, a min mbut Zla d’a Djivid’a hi Christ-sa yat kä.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Galat-na 3:1

Agi Galat suma lilid’a, sama mbud’ugi iragi ni nge ge? Agi suma a tchagi wal matna hi Jesus Christ mám ma ata agu ma b’ala woi pid’a’â,

Galat-na 4:11

An nga ki mandarâ, dam sun nda an lat adigagid’a mba d’i mbut vama hawana kla.

Galat-na 4:17

Suma a tchagi wal Zla d’a Djivi d’a dinga ndazina a nga halagi ki hat hurâ ngola, wani nga ni hat hur ma iratna d’i. Azi min á walagi woi ki sed’emi kayam agi hurugi hat kazi mi.

Galat-na 4:20

Ki tchetchemba, an min iza hatagi á mbut delen kä, kayam me an nga ni djib’era kagiya.

Galat-na 5:12

An min ala suma a b’lagagi djib’er magid’ina, a ngat hud’uzi woyo!

Galat-na 5:7

Agi tid’igi avok djiviya. Ni nge d’elegi ala agi tid’igi yam gagazid’a d’uo ge?

Galat-na 6:17

Ki tchetchemba, ar sa kawan ndi, kayam an nga ki ahura hi Jesus-d’a atan á tak kei ala an ni magoma hi Jesus-na.

Filip-ma 3:15

Ei pet suma djengeî kur Muzu’îna, ar ei djib’erei hina. Le suma dingâ adigagi djib’er mazid’a ni vad’u ni, Alona mba mi tagagizi woi pid’agï.

2 Tasaloni’â 3:4

Kayam Salad’a, ami wami ala agi nga lagi ahle suma ami hagi vuna kazina, agi mba lazi avogovok mi.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

Filemon 1:21

Kayam ndata, an nga ni b’iring mbaktum mba wanda, an we ang mba humunu, ang mba le kal yam vama an dang kama.