Galat-na 4:9 - Bible azumeina

⁹ Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?

Galat-na 4:9 ပူးပေါင်းရင်းမြစ်များ

1 Amuleina 8:43

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet azi mba wangû, a mba hat á lang mandarang d’igi mang suma Israel-lâ a nga lang mandarang na mi. Ar azi wala azi tchenengî kur gong nga an minit wanda.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 9:10

Ma didina, angî yima ngeid’a hi suma suma a nga lazazina; ata yima ndaka nga na, angî yima ngeid’a hi sumina.

Buzuk ka Abud’a 33:17

Ma didina mi de mi Moise ala: An mba ni ndak vun zla d’a ang data, kayam an wang hohowongû, an wang ki simiyêng mi.

Zla d’a d’ogolâ 2:5

ata yi máma ang mba we á le mandara Ma didina, ang mba fe lovota á wAlona mi.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Wana ni Zla d’a Djivi d’a Luc mi b’irita 5:38

Wani süm ma ayîna a selem mi kur agolongeî suma awilina.

Jean 10:14

An ni Ma pol tumiyô ma djivina. D’igi Abun mi wan an wAbun mi na, an we tumiyô mana, tumiyô mana a wan mi. Kayam ndata, an nga ni he tan ndei á matna yam tumiyô mana.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

1 Korente-na 8:3

Wani sama le yam Alonina, Alona nga mi wumu.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Galat-na 3:3

Agi ni lilid’a zu? Agi tinigi ad’ud’a yam Muzu’â hAlonina, agi min dabat kad’eng magid’a zu?

Galat-na 4:3

Ei ni hina mi. Kid’a ei ni gugureina tua d’a, ei ni magumeina hahle suma yam andagad’ina.

Efes-sâ 1:17

kayam Alona hi Saleina Jesus Christ Abui ma subura, mi hagi Muzuk mama á tagagi wad’ud’a á wum mbei tetet mi.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Hebre-na 7:18

Kayam ndata, vun ma he ma avo’â mi mbut vama hawana, kayam ad’engêm nga d’i, djivi mamba nga d’uo mi.

2 Pierre 2:20

Le azi prut tei kur tcho d’a d’od’oka hi duniyad’id’a kayam azi we Salei ma suta Jesus Christ, le a hulong kur tcho ndata ti kal kaziya ni, tchi mazi d’a bugola mba d’i kal la avoka.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.