Galat-na 4:5 - Bible azumeina

⁵ kayam mi pat suma a nga ad’u gatina woyo, kayam ei mbud’i Alona groma mi.

Galat-na 4:5 ပူးပေါင်းရင်းမြစ်များ

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Jean 1:12

Wani suma hiu suma a vat atazi a he gagazid’a katna, sum ndazina ti hazi ad’enga á mbut Alona groma.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Romê-na 10:4

Kayam Christ mi ndak vun gata hi Moise-sa memet á mbut suma pet suma a he gagazid’ina d’ingêr avok Alona.

Romê-na 8:14

Kayam suma pet suma Muzu’â hAlonina nga mi tagazi lovotina, azi nAlona groma.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Romê-na 8:19

Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina.

Romê-na 8:23

Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Galat-na 4:21

Agi danu, agi suma min á tid’igi yam gatina, agi humugi nga zla d’a gata ti data d’uo zu?

Galat-na 4:7

Hina, angî magoma d’uo d’a, wani angî goroma. Le angî goroma ni, Alona mba mi hang ahle mama pet suma nga mi ngomozi yam gromina.

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 9:12

Christ mi kal ata yima Alona mi tinim iram vam ma kal teglesâ, ni ki buzuwa aho’â d’oze buzuwa gro amuzleina abom mbi, wani mi kalî ki buzuwam mam tamba yam tu á wurak kei gak didin.

Hebre-na 9:15

Kayam ndata, Christ ni Ma aduk suma kAlona yam vun ma djin ma awilinina, kayam suma Alona mi yazina a fahle suma djivi suma didin suma mi hlazi vunam kazina. Azi ndak á fazi yam matna hi Christ ma wurak kazi yam tchila d’a azi tchila yam vun ma djin ma avo’îna.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

Vama ndum mbeina 14:3

Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.