Galat-na 4:19 - Bible azumeina

¹⁹ Grona, vut ta an vud’ugi kur ndakid’a, hulong nga d’i tan d’igi atchad’a ti vut gorâ na, gak Christ mi kak kurugiya.

Galat-na 4:19 ပူးပေါင်းရင်းမြစ်များ

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

2 Korente-na 12:14

Ki tchetchemba, an min tan yan á hindid’a á iza hatagiya. An min á tinigi aneka kagi d’i, kayam an halî beged’a abogi d’i, wani an halî agiya. Kayam gugureina a nga tok va yam simiyêzi d’i, wani ni simiyêzi ba, a nga tok ahlena kaziya.

Efes-sâ 4:13

á mbud’i kaka zlapa tu kur he gagazi meid’a á we Alona Goroma, á mbud’i suma djengâ ndak á we ndak ka memeta hi Christ-sina.

Efes-sâ 4:24

Ar agi tchugugi sama awili ma Alona mi gum mi hle tam d’igi mam na na atagiya, ni mam ma nga mi tagagi tit ta gagazi d’a d’ingêr ra agi tinit irat vat mAlonid’a.

Filip-ma 1:8

Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 2:5

Ar agi kagagi ki djib’era hi Jesus Christ-sa kurugiya:

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 2:1

Kayam an min agi wagi ayî ma ngol ma an nga ni durum kagi ki suma avo Lawodise-na ki suma a nga bei wan irana pet,

Kolos-sâ 3:10

Agi tchugugi sama awilina atagi d’igi barud’a na, ni ma nga mi mbut awilid’a á we gagazid’a dedege d’igi mam ma guma na na.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

1 Tasaloni’â 2:7

Wani ami kagami adigagi ki kukud’uka, d’igi atchad’a nga d’i hapona nga d’i ngom grotna adigat na.

1 Timote 1:2

An nga ni b’ir mbaktum mba wanda mi ang Timote, goron ma d’engzeng ma kur he gagazid’ina. Ar Alona Abui ki Saleina Jesus Christ a vang sumad’a, ar a wang hohowong ki b’leng nga halasa mi.

Wana ni mbaktum mba Paul mi b’irit mi Tit-ta 1:4

An nga ni b’iring mbaktum mba wanda mi ang Tit, goron ma irat ma kur he gagazi d’a ei nga kurut petina. Alona Abui ki Jesus Christ ma sud’ina a vang sumad’a ki b’leng nga halasa.

Filemon 1:10

an nga ni tcheneng yam Onesim, goron ma an vud’um kur dangeinina.

Filemon 1:19

Ni an Paul ni b’irit kabonu: An mba ni wuragangû. Wani ang djib’er yam bal man ma kangâ, nala, ni ang tang Filemon.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Jean 2:1

Grona, an nga ni b’irigi ahle suma wana kayam me agi lagi tchod’a d’i. Le sa adigagi mi le tchod’a ni, ei nga ki Grangâ gen Abui Alona, nala, Jesus Christ ma d’ingêrâ.

1 Jean 2:12

Grona, an nga ni b’irigi kayam Alona mi vat hurum mbei yam tcho magid’a yam simiyê Christ da’.

1 Jean 5:21

Grona, gologi tagi djivi ki fileina.

3 Jean 1:4

Ata yima lara ma an hum ala grona a nga tit kur gagazid’a na, an nga ki furî d’a ding nga kal ndatid’a nga d’i.