Galat-na 3:29 - Bible azumeina

²⁹ Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

Galat-na 3:29 ပူးပေါင်းရင်းမြစ်များ

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

1 Korente-na 15:23

Wani nge nge pî mba mi tchol ni ki yi mama; Christ ni ma avogozina pet, bugola, suma ala ni mama na a mba fe arid’a kur bur ma mam mba mi hulong kuana.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

Galat-na 3:16

Ni hina ba, Alona mi hle vunam mi Abraham kandjavamu. Mi de hina ni yam andjavam ma ablauna d’i, wani mi dala: Ad’u andjavangû, nala, ni sama tuna, ni Christ.

Galat-na 3:18

Wani le sana mi fe he d’a hawad’a hAlona d’a d’igi vama djona hina d’a ni yam tit ta nga mi tit yam gatid’a ni, nga ni yam vun ma hled’a hAlonina d’uo d’a. Wani Alona tak suma mamba mi Abraham ni yam vun mam ma hled’a.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Galat-na 3:7

Kayam ndata, djivid’a agi wagi ala suma a he gagazid’ina, azi nandjaf ma gagazina hi Abraham-ma.

Galat-na 4:1

Gola! An nga ni dagiya, ata yima gor ma te djona habuma nga gogora tua na, mi wal nga ki magoma d’i, hina pî mam mi sala ahlena pet.

Galat-na 4:7

Hina, angî magoma d’uo d’a, wani angî goroma. Le angî goroma ni, Alona mba mi hang ahle mama pet suma nga mi ngomozi yam gromina.

Galat-na 5:24

Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna.

Galat-na 6:16

Wani suma pet suma a nga tit kur lovot ndatina, b’leng nga halasa ki we hohoud’a hAlonid’a a mba kak kaziya, nala, yam Israel ma gagazina hAlonina.

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Wana ni mbaktum mba Paul mi b’irit mi Tit-ta 3:7

Ni kayam suma mamba ba, mi mbud’i suma d’ingêrâ avoromu, kayam ei fei ari d’a didin nda ei tini huri kata.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Hebre-na 11:18

Ni mam ma Alona mi dum adjeu ala: Ni kayam andjafâ hi Isa’â hol ba, a mba ndumum andjavangû na.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Hebre-na 6:17

Alona mi min tak min mamba woi mi suma a mba ve vama mi hlazi vunam kam ma bei mbutina. Hina, mi gunuzi tam mi.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.