Galat-na 3:17 - Bible azumeina

¹⁷ Wana ni vama an min duma. Vun ma djin ma Alona djinim avok deina, gat ta mbeï bugol bizad’a kikis fid’i yam dok hindi d’a, ndak á tchi vun ma djinda hAlonina woi d’i, ndak á mbut vun mam ma hled’a vama hawana d’uo mi.

Galat-na 3:17 ပူးပေါင်းရင်းမြစ်များ

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Ad’u Tinda 17:19

Alona mi de mi Abraham ala: Nga na d’i! Amanga Sara mba d’i vut gor mandjufâ, ang mba yum ala Isak. An mba ni djin vunan ki sed’em kandjavam ma blogoma; ni vun man ma djin ma didina.

Wana ni mbaktumba hi Job-pa 40:8

Ang ngeyezi kä aduk andaga d’a gugud’upa ki zla tazi pet, ang djinizi kä kur nduvunda.

Sawal la giled’a 105:9

Mi nga mi djib’er yam vun ma djin ma mam djinim ki Abraham-ma, ki gun nda mam gun tam mi Isak-ka mi.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Isai 14:27

Ma didin ma ad’engêm kal petna, le mi nga hurum á le va ni, ni nge mba mi d’elem ge? Le mi zi abom kam akulo ni, ni nge mba mi hlum mbei ge?

Isai 28:18

Vun magi ma djin ma agi djinim ki matnina, mba mi but teyo, bana d’a agi vat ki yima azuleinid’a, mba d’i but tei mi. Fata tugud’ei d’a tcho d’a tchi matna ti ndja abot tei ti kala, mba d’i mired’egi kä kased’u.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Ndumba 30:8

le ndjuvut mi hum zla ndata, mi dat nga zla kur bur ma mam hum zla ndatina d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kaziya.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Sunda hi suma a sunuzinid’a 7:6

Alona mi dum ala: Andjavang mba mi kak yam andaga d’a dinga, a mba lazi magomba, a mba lazi ndaka bizad’a kikis fid’i.

Romê-na 3:25

Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Romê-na 3:3

Wani le suma dingâ adigazi ni suma d’engzengâ d’uo ni, Alona mba mi mbut ma bei d’engzengâ kazi zu?

1 Korente-na 1:12

Wana ni vama an min dagizina: Suma dingâ adigagi a nga dahlena teteng ala: An ni ma hi Paul-lâ, ma dingâ ala: An ni ma hi Apolos-sâ, ma dingâ ala: An ni ma hi Pierre-râ, ma dingâ ala: An ni ma hi Christ-sâ mi.

1 Korente-na 1:17

Wani Christ mi sunun ná le suma batem mbi, wani mi sunun ná tchi wal Zla d’a Djivid’a. An tchat ni ki ned’a hi sa d’i, kayam matna hi Christ ma ata agu ma b’alina mi mbut vama hawana d’i.

1 Korente-na 10:19

Kayam ndata, an de nana? An de nala: Fileina d’oze vama a ngad’am mi fileinina ni va zu?

1 Korente-na 7:29

B’oziyona, wana ni vama an min dagizina. Ki tchetchemba, yina ar nga ngol li. Ar suma a vik aropmina a ka’î d’igi suma bei vik aropmina na.

2 Korente-na 1:20

Mam mi  d’a yam vun ma hled’a hAlonina pet. Kayam ndata, kur Jesus Christ ei nga dei ala Amin yam subura hAlonid’a.

2 Korente-na 9:6

An gagi humagi ala sama zar akid’eid’ina mba mi fet nakid’eid’a, sama zar ngolina mba mi fet ngola mi.

Galat-na 3:15

B’oziyona, an nga ni dagi zla d’a d’ogola hi sumid’a. Le sana mi hle vunam yam va, le suma pet a le glangâsâ kamu ni, sama ndak á pad’am mbei d’oze mi tchuk kam kuana nga d’i.

Galat-na 3:21

Na ni gata nga d’i kak djangûna ki vun ma hled’a hAlonina zu? Nga na d’i! Le gat ta Alona mi hat adjeud’a ndak á he arid’a mi suma ni, sana mi ndak á mbut d’ingêr avok Alona yam ngom mba mi ngom gata mi.

Galat-na 5:16

Wani an nga ni dagiya, ar agi tid’igi yam minda hi Muzu’â hAlonina. Hina wani, agi mba tid’igi yam minda hi sa magi ma adjeunid’a d’i.

Galat-na 5:4

Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi.

Efes-sâ 2:12

Ata yi máma, agi ni suma woi dei ki Christ-sâ, agi ni suma wala woi dei ki Israel-lîna, agi ni suma wala woi dei ki vun ma djin ma Alona mi djinim ki sum mamina mi. Hina, agi ni suma bei hur ma tinda, agi ni suma bei Alona kur duniyad’a ka hina mi.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Kolos-sâ 2:4

An nga ni dagi hina, kayam sa mi lobogi ki lem mamba d’i.

Hebre-na 11:13

Azi pet a bo ni kur he gagazid’a. Azi nga bei fahle suma Alona mi hlazi vunam kazina, wani azi nga golozi sä woi hina dei ki furîd’a. Azi nga dala azi ni suma tita d’igi angoyogeina na kur duniyad’a ka hî.

Hebre-na 7:18

Kayam ndata, vun ma he ma avo’â mi mbut vama hawana, kayam ad’engêm nga d’i, djivi mamba nga d’uo mi.

1 Pierre 1:20

Alona mi manam avok dei bei ad’u tinda hi duniyad’id’a, wani mi tagam mbei abu kur atchogoi d’a dabid’a kagiya.