Galat-na 2:4 - Bible azumeina

⁴ wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Galat-na 2:4 ပူးပေါင်းရင်းမြစ်များ

Sawal la giled’a 119:45

An mba ni tit ki halasa, kayam an nga ni hal ad’u gat manga.

Sawal la giled’a 51:12

Alo mana, ang mbud’un ndei yed’et, ang han djib’er ra djivi d’a ndaka kurunu.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Wana ni Zla d’a Djivi d’a Luc mi b’irita 5:38

Wani süm ma ayîna a selem mi kur agolongeî suma awilina.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

2 Korente-na 11:13

Kayam azi ni suma a sunuzi suma ka zlad’a, ni suma lop suma, azi mbut tazi d’igi azi ni suma a sunuzi suma hi Christ-sâ na.

2 Korente-na 11:17

Zla d’a an nga ni dat ki tchetchembid’a ni vun ma hed’a hi Salad’ina d’i, wani an nga ni subur tan d’igi sama lilid’a na.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

2 Korente-na 3:17

Zla ndata ala Ma didina d’a, ad’ut ala Muzu’â d’a. Ata yima Muzu’â hi Ma didinina nga kuana, but ta akulod’a nga.

Galat-na 1:7

Gagazi, Zla d’a Djivi d’a ding nga d’i, wani an nga ni dagi hina kayam suma dingâ a nga b’lagagi djib’er magid’a, a min mbut Zla d’a Djivid’a hi Christ-sa yat kä.

Galat-na 4:25

Agar ndata nahina d’a Sinai d’a yam andaga d’a Arabi-d’a. Hle tat ni d’igi azì ma ngol ma Jerusalem ma tchetchem wana na, kayam ndat nga d’i le magomba ki grotna.

Galat-na 4:3

Ei ni hina mi. Kid’a ei ni gugureina tua d’a, ei ni magumeina hahle suma yam andagad’ina.

Galat-na 5:1

Christ mi pad’ei woi kur magomba da’. Kayam ndata, ar agi kagagi ngingring kur pat ndata. Ar agi hulongôgi kur magomba d’uo d’a.

Galat-na 5:10

Yam Salad’a an tin hurun kagi ala agi nga ki djib’er ra ding ngi. Wani mam ma b’lagagi djib’er magid’ina, le ni nge pî, Alona mba mi kam sariyad’a kamu.

2 Timote 3:6

Aduk sum ndazina, suma dingâ a nga si kä hur azina, a tan arop suma afefet suma a nga le magomba mi tchod’ina, narop suma d’od’oka hi hliuna d’a lara ge nga d’i tanazina.

Jacques 1:25

Le sama gol gat ta ndak memet ta pad’ei woi kur magombid’a, le nga mi le sunda kad’u, le mi ni sama humut nga mi marat tuo wani mi ni sama le sunda katna ni, sa máma, Alona mba mi b’e vunam kam kur sun mam mba led’a.

1 Pierre 2:16

Agi ni gro vuta, wani agi mbud’ugi gro vut magid’a d’igi baru d’a zlup yam tcho d’a agi lata na d’i, wani agi lagi d’igi azungeîna hAlonina na.

2 Pierre 2:19

Azi hlazi vuna á mbud’uzi gro vuta, wani azi tazid’a ni magumeina hahle suma izi kur b’lakina. Kayam vama kal yam sanina nga mi mbud’um magom mama.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.