Galat-na 2:14 - Bible azumeina

¹⁴ Wani ata yima an golozi a nga tit d’ingêr kur gagazid’a hi Zla d’a Djivid’a d’uo na, an de mi Pierre avunam mbei avok suma pet ala: Ang mala angî ma Juif-fâ na, ang nga tit d’igi andjaf suma dingâ na, ang nga tit d’igi Juif-fâ na d’i. Ni kayam me ba, ang nga le andjaf suma ding suma a he gagazid’ina kad’enga ala a tit d’igi Juif-fâ na ge?

Galat-na 2:14 ပူးပေါင်းရင်းမြစ်များ

Sawal la giled’a 141:5

Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

Sawal la giled’a 15:2

Ni sama tit tit ta iratina, ni sama le sun nda d’ingêrina, ni sama nga mi de zla d’a gagazi d’a kurumba woina mi.

Sawal la giled’a 58:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Zla d’a d’ogolâ 10:9

Sama mi tit tit ta ata yatina nga mi kak ki halasa, wani sama nga mi tit tit ta ata yat tuo d’ina, ad’um mba d’i ge woyo.

Zla d’a d’ogolâ 2:7

Nga mi ngom ndjunda yam suma d’ingêrâ, mam mi mbareid’a hi suma iratnid’a

Sunda hi suma hi Levi-nid’a 19:17

Ang ve wiyengâ kurung ngi, ang ngop ndrangâ yam tcho mamba. Hina wani, tcho mamba mba d’i vang ngi.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

Romê-na 14:14

Kayam an nga zlapa tu ki Salad’a Jesus, an wala vama ndjendje ma yam tama nga d’i. Wani vama ndjendjed’a ir sanina, mi ni ndjendjed’a iram mam hol.

Galat-na 1:18

Bugol bizad’a hindi, an i Jerusalem á d’u Pierre, an le dimasa ki sed’em mbà.

Galat-na 1:6

An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.

Galat-na 2:3

Wani Tit ma nga ki sed’ena ni ma Gre’â, azi lum nga kad’enga á ngat bayâd’a d’i,

Galat-na 2:5

Wani ler tu pî ami minimi nga zla mazid’a d’i, kayam gagazid’a hi Zla d’a Djivid’id’a ti kak adigagiya.

Galat-na 2:7

Wani azi wala Alona mi han Zla d’a Djivid’a á tchat walat mandjaf suma dingâ d’igi mi hat mi Pierre á tchat walat mi Juif-fâ na mi.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Galat-na 6:12

Suma pet suma a min tak djivi mazid’a woi yam minda hi sa mazi ma adjeunid’a, ni azi ba, a nga lagi kad’enga á ngad’agi bayâd’a, kayam azi min fe ndaka yam agu ma b’ala hi Christ-sâ d’i.

Kolos-sâ 1:5

Kayam ndata, agi tinigi hurugi yam vama Alona nga mi ngomom sä akulo kagina. Ni vama agi humum zlam avok dei ata yima a tchagi wal zla d’a gagazid’ina, nala, Zla d’a Djivid’a.

1 Timote 5:20

Suma nglo suma gol Toka suma a nga le tchod’ina, ang ngobozi ir suma pet, kayam suma hiuna a mbut mandarâ.

Hebre-na 12:13

Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.

Hebre-na 9:10

Ahle ndazina ni yam ted’a ki tched’a ki mbus sa tetenga. Azi ni vun ma hed’a hi sumina hawa gak bur ma Alona mi mbut ahlena pet awilid’ina.