Galat-na 1:15 - Bible azumeina

¹⁵ Wani yam sumad’a hAlonid’a, mi manan avok bei a vud’unu, mi yan á lum sunda.

Galat-na 1:15 ပူးပေါင်းရင်းမြစ်များ

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 49:5

Ki tchetchemba, Ma didina nga mi de va. Mi mininï kur asun tala an kak azong mama á hulongî kandjafâ hi Jakob-ma, á togï Israel-lâ gevemu d’a. An ni vama subura ir Ma didina, Alo mana nad’eng manda mi.

Jeremi 1:5

An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.

Matiye 11:26

Gagazi, Abunu, ang le hina ni min manga á lang tang djivid’a.

Wana ni Zla d’a Djivi d’a Luc mi b’irita 10:21

Ata yi máma, Jesus mi le furîd’a ad’u ad’enga hi Muzuk ma bei tchod’a ba nid’a, mi dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a azi ki suma wed’a, wani ang tagazi woi mi gugureina. Gagazi, Abunu, ang tang lang djivid’a á le hina.

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

Romê-na 8:30

Suma mi ngazi kurum avok deina, mi yaziya; suma mi yazina, mi mbud’uzi suma d’ingêrâ avoromu; suma mi mbud’uzi d’ingêrâ, mi suburuzi mi.

Romê-na 9:24

Nala ni eya, ei suma mi yeina, naduk suma Juif-fâ hol li, wani naduk andjaf suma dingâ mi.

1 Korente-na 1:1

Ni an Paul ma Alona mi yan kur min mamba mi mbud’un ma a sunuma hi Jesus Christ-sâ, zlapa ki wiyeina Sosten.

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.

1 Korente-na 1:24

Wani ir suma Alona mi yazi aduk Juif-fâ kandjaf suma dingîna, Christ máma nad’enga ki ned’a hAlonid’a.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

Galat-na 1:6

An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.