Ezekiyel 9:6 - Bible azumeina

⁶ Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Ezekiyel 9:6 ပူးပေါင်းရင်းမြစ်များ

Ad’u Tinda 4:15

Ma didina mi hulong dum ala: Hawa! Le sa mi tchangû ni, an mba ni sang atchugulung yan kid’iziya. Kayam ndata, Ma didina mi tin vama taka avor Kain ala le sa fum pî, mi tchum mbi.

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

Buzuk ka Abud’a 12:23

Ata yima Ma didina mba mi kal avo Ezipte á tchi sumina, mba mi we buzuna akulo avun bilâ, avun gonga abo hî abo hî, mba mi kal yam vun azì máma, mba mi ar ma tchi suma mba mi kal avo hatagi á tchagi d’i.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 25:29

Kayam Ma didin ma ad’engêm kal petna mi dala: Gola! An nga ni mba ki ndaka yam azì ma ngol ma a nga tchenen kuana avogo. Agi djib’eregi ala agi mba prud’ugi woi bei ngopä zu? Agi mba prud’ugi woi bei ngopa d’i, kayam an nga ni yi suma durâ yam suma yam andagad’ina pet.

Jeremi 44:7

Jeremi mi de kua ala: Ki tchetchemba, Ma didina Alo ma ad’engêm kal petna, Alona hi Israel-lîna, mi dala: Ni kayam me ba, agi lagi tagi tchod’a ngola á dabagi andjofâ, aropma, kemba ki gugurei suma tchapona woi kur Juda tala sa adigagi tu pî mi ar ruo d’a ge?

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Jeremi 9:21

Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Ezekiyel 9:5

Mi de mi suma a ar wana kä iran ala: Agi igi blogom kur azì ma ngolâ, agi tchagi suma woyo. Agi wagi hohowa sa d’i, agi djib’eregi yam sa d’uo mi!

Amos 3:2

Ni agi hol ba, an managi aduk andjaf suma pet. Ni kayam ndata ba, an mba ni mba á ngobogi yam tcho d’a agi lata.

Wana ni Zla d’a Djivi d’a Luc mi b’irita 12:47

Azong ma we minda hi salamid’a, wani nga mi min ahlena d’i, nga mi le minda hi salamid’a d’uo mi na, a mba tom ngola.

Gat ta a hat á mbàd’id’a 2:34

Ata yi máma ei yoi azì mam ma nglona pet, ei tchi suma kurâ woi pet, nala, andjofâ, aropma ki kemba bei sa sut tu ba.

Gat ta a hat á mbàd’id’a 3:6

Ei b’lagei azì ma nglona woi pet, ei tchi suma kuruma woi pet, nala, andjofâ, aropma ki kemba d’igi ei lei ki Sihon amul ma Hesbon-na na.

Gat ta a hat á mbàd’id’a 32:23

An mba ni togozi ndaka kaziya, an mba ni yed’ezi ki yeû manda.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Vama ndum mbeina 7:3

Agi b’lagagi andagad’a d’oze alum ma ngolâ d’oze aguna d’i, gak ei kei geuna avok magumeina hAlo meinina tua.

Vama ndum mbeina 9:4

A dat ala: Ndak te asuna d’oze aguna d’oze vama zar ma ding ngi, wani ndak ge ni suma a kazi nga geuna hAlonina avorozi d’uo na hol.

1 Samuel 15:3

Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.