Ezekiyel 8:6 - Bible azumeina

⁶ Mi dan kua ala: Ang gor sana, ang wahle suma azi nga lazi wana zu? Gola! Israel-lâ a nga lahle suma nglo suma ndjendjed’a á walan ndei ki gong man nda an tinit irat vata. Wan pî, ang mba wahle suma nglo suma ndjendje suma dingâ kua!

Ezekiyel 8:6 ပူးပေါင်းရင်းမြစ်များ

2 Sunda Hamuleinid’a 29:5

mi dazi ala: Agi suma hi Levi-na, agi humunu! Ki tchetchemba, agi mbud’ugi tagi yed’et, agi mbud’ugi gong nga kud’ora hi Ma didina Alona habuyogi ngolonid’a yed’et mi, agi tchugugi ahle suma ndjendje suma a nga ata yima a tinim iram vama woi abua.

Sawal la giled’a 78:60

Mi djok kei avo Silo ata yi mam ma kak ma aduk sumina.

Zla d’a d’ogolâ 5:14

Ar hina nde, an nde kur ndak ka ngola aduk toka hablaud’id’a.

Jeremi 11:18

Ma didina mi tagan zla ndata, an wad’u. Ki tchetchemba, an nga ni we sun mazi d’a azi nga lata.

Jeremi 23:11

Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Jeremi 32:34

A nga tin filei mazi ma ndjendjed’a kur gong nga a kud’uron kuad’a á mbud’ut ndjendjed’a.

Jeremi 7:17

Ang we nga vama azi lum kur azì ma nglo ma Juda-na ki ir palumba avo Jerusalem-ma d’uo zu?

Jeremi 7:30

Ma didina mi dala: Suma Juda-na a le sun nda tchod’a avoronu, a tin filei mazi ma ndjendjed’a kur gong nga a tchenen kuad’a á mbud’ut ndjendjed’a.

Ezekiyel 10:18

Subura hi Ma didinid’a ti ndeï woi avun yima kala hi gong nga kud’orina, ti i d’i kak yam tcherebêna.

Ezekiyel 10:19

Tcherebêna a nga gigingâzi á pir rei akulo yam andagad’a, an wazi a nga i zlapa kabo pusâ. A tchol avun yima kala hi vun agre’â hi gong nga kud’ora hi Ma didinid’ina abo ma yorogona, subura hAlona hi Israel-lîd’a ti nga kazi akulo mi.

Ezekiyel 11:22

Tcherebêna a nga gigingâzi woi á pira, abo pusâ mi i ki sed’ezi mi. Subura hAlona hi Israel-lîd’a ti nga akulo kazi mi.

Ezekiyel 11:23

Subur mamba ti tcholï hur azì ma ngolâ, ti i tchol sä woi yam ahina d’a abo ma yorogona hazì ma ngol mamid’a.

Ezekiyel 14:6

Kayam ndata, ang i de mi Israel-lâ ala: Salad’a Ma didina mi dala: Agi mbud’ugi hurugiya, agi hagi azigagi mi filei magina, agi aragi sun magi d’a ndjendje d’a lara ge pet tei mi.

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 43:8

Amulei mazina a min vun gong mazid’a ki yi mazi ma ndjendjek ma a djak kakulo avun gonga hazì mazinina go ki vun gong manda, go ki yi man ma ndjendjek ma a kal ki krovo kur gong man nda kud’orina mi. Wani ni gulumuna ba, mi walami adigami woi kaziyaziya. Ni hina ba, a mbud’un simiyên Ma bei tchod’a ba na ndjendjed’a. Ni kayam ndata ba, an b’lagazi woi kayî mana wana.

Ezekiyel 47:6

Mi dan ala: Ang gor sana, ang we djivi ko zu? Mi hulongôn avun toliyon ndata.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Ezekiyel 8:13

Mi dan kua ala: Ang mba wahle suma nglo suma ding suma ndjendje suma a nga lazina kua d’ei.

Ezekiyel 8:14

Mi in avun agre’â hi gong mam mba kud’ora ma abo ma norîna. Gol wani, aropma a nga kaka kä, a nga tchi horâ yam alo ma a yum ala Tamus-sâ.

Ezekiyel 8:7

Mi mba ki sed’en avun yima kal ki hur atrangina, an gol yina. Gol wani, huyok gulumuna nga tchod’a.

Ezekiyel 8:9

Mi dan ala: Ang kal krovo, ang wahle suma ndjendje suma tcho suma a nga lazi ka hina.

Wana ni mbaktumba hi Oze-d’a 5:6

Azi mba i ki tumiyô mazina kamuzlei mazina á halan an Ma didina, wani azi mba fan ndi, kayam an wal tan ndei dei ki sed’eziya.