Ezekiyel 8:16 - Bible azumeina

¹⁶ Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Ezekiyel 8:16 ပူးပေါင်းရင်းမြစ်များ

1 Amuleina 8:29

Ang mal irang ngei ang gol gong ndata ki djivid’a andjege ki faleya. Ni yima ang de kam ala: Ni yima an mba ni kak kuana na. Ang hum tchen nda an azong mangâ nga ni tcheneng ata yi mámid’a.

2 Amuleina 16:14

Yima ngal ahle suma ngat buzu ma kawei ma hleuna, mi nga aduk vun gong nga kud’ora hi Ma didinid’a ki yima ngal ahle suma ngat buzu ma awilina. Wani Ahas mi djogom mbei gen ma awilina abo ma norâ.

2 Amuleina 21:5

Manase mi min yima ngal ahle suma ngat buzu ma dingâ teteng mahle suma akulona kur atrang nga mbà d’a avun gong nga kud’ora hi Ma didinid’id’a.

2 Amuleina 23:11

Mi yo akulumei suma amulei suma Juda-na a tinizi irazi vazi á le sunda mafatina woyo. Azi ni kur gongîyo suma go ki vun gonga hi Ma didinid’a go ki hur gonga hi Netan-Melek ma sundina. Mi ngal pus ma a tinim iram vam á le sunda mafatina woyo.

2 Amuleina 23:5

Josiyas mi dik suma ngat buzuna mi fileina suma amulei suma Juda-na a tinizi á ngal dubang ma his djivid’ina yam yima nding ma kur azì ma Juda-na ki yima go ki Jerusalem-ma woyo, mi dik suma a nga ngal dubang ma his djivid’ina mi Bäl kafata ki tilâ ki tchitchiu d’a tetenga kahlena pet suma akulonina woi mi.

2 Sunda Hamuleinid’a 29:6

Kayam abuyoi ngolo a le sun nda ata yat tuo d’a, a le sun nda tchod’a avok Ma didina Alo meina, a aram mbeyo, a hazigazi mi gong mam mba kud’ora, a hat huyogozi mi.

2 Sunda Hamuleinid’a 7:7

Amulâ Salomon mi tin atrang nga avun gonga hi Ma didinid’a ped’eta irat vad’u, mi he he d’a hawa d’a ngala, mi he he d’a hawa d’a afuta ki he d’a hawa d’a mbulâ á le darigïd’a ki Ma didina ata yi máma, kayam yima ngal ahle suma ngat buzu ma kawei ma hleu ma Salomon mi minima, mi ndak nga yam ahle ndazina pet ti.

Jeremi 2:27

Agi nga dagi maguna ala: Angî abumiya, agi nga dagi mahinad’a ala: Nda’î d’a vud’umid’a! Agi aragi zla d’a mbud’ugi iragi iranda ta, agi handi nazigagiya. Wani fata ndaka mba wa kagiya wani, agi nde yandi ala: Ang mbeï sud’umiya!

Jeremi 32:33

Wani a ar zla d’a a mbut irazi iranda ta, a han ni huyogoziya. A nga had’azi ki yorogo dei wan pî, a nga hum hat ndata d’i.

Jeremi 44:17

Wani ami tid’imi ni yam zla d’a lara d’a ndavunamid’a á ngal dubang ma his djivid’ina ki süm guguzlud’a mi Astarte amul la akulod’a, d’igi ami kabuyomi ngolo kamulei mamina ki mami suma nglona, ami lami adjeu kur azì ma nglo ma Juda-na ki ir palum mba Jerusalem-mba na. Ni kayam ndata ba, ami tamiya, ami hobomiya, ami lami furîd’a, ami wami nga ndak ki.

Jeremi 7:18

Kemba a nga yoï aguna, abuyod’a a nga vakud’a, aropma a nga tib’ek afuta á le woîna malo d’a akulod’a, a nga he he d’a hawa d’a süm guguzlud’a malo ma dingâ. A le na á zalan hurunu.

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Ezekiyel 10:3

Ata yima sa máma mi mbaza kuana, tcherebêna a nga tchola ata gonga abot ma ndjufâ, d’ugula ti oî atrang nga krovod’a hurut mi.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Ezekiyel 23:39

A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina.

Ezekiyel 40:28

Bugola, sa máma mi hlan avun agrek ma abo ma sutna á kal kur atrang nga krovod’a. Mi nga vun agrek ma krovo máma. Fiyagam ki bubuwam nabo tazi tu ki vun agrek ma abuna.

Ezekiyel 40:6

Mi i avun agrek ma abo ma yorogonina. Mi djak akulo yam yima a djak kakulona, mi nga yima avun agre’îna. Fiyagam mba krovod’a ni metred’a hindi.

Ezekiyel 43:5

Muzu’â hAlonina mi hlan akulo, mi in hur atrang nga krovod’a. An we subura hAlonid’a b’o mata ti oî gong mam mba kud’ora.

Ezekiyel 43:8

Amulei mazina a min vun gong mazid’a ki yi mazi ma ndjendjek ma a djak kakulo avun gonga hazì mazinina go ki vun gong manda, go ki yi man ma ndjendjek ma a kal ki krovo kur gong man nda kud’orina mi. Wani ni gulumuna ba, mi walami adigami woi kaziyaziya. Ni hina ba, a mbud’un simiyên Ma bei tchod’a ba na ndjendjed’a. Ni kayam ndata ba, an b’lagazi woi kayî mana wana.

Ezekiyel 45:19

Ma ngat buzuna mi go buzuna hi gor amuhl ma a ngad’ama dö, mi yamam ata agu ma avun gong man nda kud’orina, ata yima ngal ahle suma ngat buzuna kengêm ma fid’ina, ata agu ma avun agre’â hatrang nga krovod’ina mi.

Ezekiyel 46:1

Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.

Ezekiyel 7:23

Ang min kindjingâ, kayam ambasa ti oyâ wa ki suma tchi matna, azì ma ngolâ mi oyâ wa ki suma murud’umba mi.

Ezekiyel 8:15

Alona mi dan ala: Ang gor sana, ang we d’ang zu? Ang mba wahle suma ding suma ndjendje suma nglo suma a kal suma wanina kua d’ei.

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Gat ta a hat á mbàd’id’a 17:3

á kud’or alo ma tetengâ á grif kä avoromu, avok afata, d’oze avok tilâ, d’oze avok ahle suma lara ge suma sä kur akulod’a suma an hagi nga vuna kazi d’uo na kla ni,

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.