Ezekiyel 8:10 - Bible azumeina

¹⁰ An ni kala, ni gol yina. An wahle suma a hle tazi d’igi ahle suma a dram kä na na na kahle suma a hle tazi d’igi ahle suma ari suma ndjendjed’a na na ki filei ma Israel-lâ a ndjaram akulo huyok gulumuna a nguyum mbei d’uhlâ pet mi.

Ezekiyel 8:10 ပူးပေါင်းရင်းမြစ်များ

Buzuk ka Abud’a 20:4

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Isai 44:13

Sama tchet aguna mi nga aguna ki ziyona, mi b’irim ki kiryeûna, mi minim ki mbigeud’a, mi ngam ki metred’a, mi minim d’igi angus sana na. Ang golom iramî d’igi sana na tala mi tinim kur gonga d’a.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 3:9

Israel-lâ kur djib’er mazi d’a afefeta a mbut ambasa ndjendjed’a, a le mizeuna kahinad’a kaguna mi.

Jeremi 44:21

Na ni Ma didina humam gum nga d’oze mi djib’er nga yam dubang ma his djivid’a ma agi kabuyogi ngolo kamulei magina ki magi suma nglona ki suma kur ambasina ngalagizi kur azì ma nglo ma Juda-na ki ir palum mba Jerusalem-mbina d’uo zu?

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Ezekiyel 11:12

Agi mba wagi ala an ni Ma didina, kayamba agi tid’igi nga yam gat manda d’oze agi tid’igi nga yam vun man ma hed’a d’uo d’a. Wani agi tid’igi ni yam gata handjaf suma a nguyuginid’a.

Ezekiyel 23:14

Ti nga d’i i ki gaulang matna avogovogo, nga d’i wanguza suma a ndjarazi akulo huyok gulumunina, nala, anguza suma Babilon suma a gulud’uzi ki pentir ma hleunina.

Ezekiyel 8:11

Suma nglo suma Israel-lâ dok kid’iziya a nga, adigazi Jäzaniya Safan goroma mi nga mi. Azi pet a nga tchola avok filei ma tetengâ, nge nge pî mi nga ki va mam ma ngal dubang ma his djivid’ina abomu, a nga ngal dubang ma his djivid’ina. Andosâ nga mi rip kazi kä ririp mi.

Ezekiyel 8:9

Mi dan ala: Ang kal krovo, ang wahle suma ndjendje suma tcho suma a nga lazi ka hina.

Romê-na 1:23

Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.

Gat ta a hat á mbàd’id’a 14:3

Moise mi de kua ala: Ar agi mud’ugi vama ndjendje d’i.

Gat ta a hat á mbàd’id’a 4:16

tala agi mbud’ugi tagi ndjendjed’a á tched’egi fileina d’oze angus vama hle tam d’igi alona na na, d’oze d’igi mandjufâ d’oze atchad’a

Gat ta a hat á mbàd’id’a 4:18

d’oze ahle suma a dram kä na d’oze kulufâ na d’a d’i.

Gat ta a hat á mbàd’id’a 4:23

Agi gologi tagi djiviya, agi maragi yam vun ma djin ma Ma didina Alo magina mi djinim ki sed’egina d’i. Ar agi tched’egi va d’oze angus vama lara ma Ma didina Alo magina mi d’elegi kama d’i.

Gat ta a hat á mbàd’id’a 4:25

Fata agi kagagiya wa ngola yam ambasa tatâ, agi vud’ugi wa grona, grogina a vut wa grona mi d’a, le agi mbud’ugi tagi ndjendjed’a, agi tched’egi va d’oze agi lagi angus vama lara d’oze agi lagi vama tcho avok Ma didina á zalam hurumu ni,