Ezekiyel 7:7 - Bible azumeina

⁷ Agi suma nga kaka kur ambas sa wandina, b’lak magid’a ti mba wa kagiya, yina mi mba wa, burâ mi mba wa go. Ni bur ma ndaka. A mba hle sawal la furîd’a yam ahuniyôna d’uo d’a.

Ezekiyel 7:7 ပူးပေါင်းရင်းမြစ်များ

Ad’u Tinda 19:15

Wani ki pipira, malaikana a tes Lot ped’et, a dum ala: Ang tchol akulo, ang vamanga ki grong suma arop suma mbà suma ka hina, kayam ami tchagi zlapa ki sum ndazina yam tcho mazid’a d’i.

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Isai 13:22

God’eid’a mba d’i tchi kuru, hâna mba mi kak kur aziyat ma amula. Burut ar go á mbad’a, burut mba mi i avok kuo d’a.

Isai 16:10

Siwel la furîd’a ti dap pei kur asine magi ma aguna mi vut kua heîna, a nga hum del la furîd’a ki del la aîd’a kur asine magi ma guguzlud’a d’uo d’a, süm guguzlu nga kur zulum mbuo d’a, suma miret guguzlud’a a nga d’uo d’a, an d’el wa siwel la lü ndjongâ da’.

Isai 17:14

Tcha fladege mandarâ mi nga, avok ka bei yina fod’a, sa nga d’i. Wana ni wuraka hi suma a nga b’ad’ami ahligiyemina, wana ni b’raud’a hi suma a nga hurumumi ahligiyemina mi.

Isai 22:5

Kayam Salad’a Ma didina Alo ma ad’engêm kal petna mi suni ini tcha d’a tatad’a ki kusa ki zulona keya, wulul la ndindinga nga d’i b’ik kä b’ib’ik kur hor ra vana nde tam mbei ir sana kuad’a, tchi ma gandjauna nga mi i akulo yam ahuniyôna.

Jeremi 20:7

Jeremi mi de mAlona ala: Ma didina, ang lobonu, ang vanu, ang kal kan kad’enga. An mbut ni vama sanda burâ ki burâ, suma pet a nga lazan mi.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Ezekiyel 12:28

Ni kayam ndata ba, ang dazi ala: Salad’a Ma didina mi dala: Zla d’a an mba ni data pet mba d’i ndak vun sun mata bei lilinga ba. Ni an Salad’a Ma didina ba, ni de zla ndata.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 7:12

Yina nga mi djïya, bur ma ka sariyad’a mi mba go! Ar sama mi gus ahlena mi le furîd’a d’i, ar sama mi gus ahlena woina tam mbi tchuk susub’ok kuo mi, kayam ayî mana mba mi wet tei yam ablaud’a hi sumid’a pet.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?