Ezekiyel 7:26 - Bible azumeina

²⁶ Ndaka mba d’i mba yam ndrat ndaka, zlad’a mba d’i mba yam ndrat zla d’a dinga mi. A mba hal ahle suma a nde tazi woi ir sumina ata suma djok vuna ki labiyad’a. Suma ngat buzuna a mba we gat tuo d’a, suma nglona a mba fe d’al ma de d’uo mi.

Ezekiyel 7:26 ပူးပေါင်းရင်းမြစ်များ

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Jeremi 4:20

A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Ezekiyel 11:2

Ma didina mi dan ala: Ang gor sana, sum ndazina ni suma a nga hat tcho d’a led’a, a nga de gat ta tchod’a mi suma kur azì ma ngol ma wanina.

Ezekiyel 12:22

Ang gor sana, ni kayam me ba, agi nga dugud’ogi zla d’a de d’a d’ogol la wanda yam andaga d’a Israel-la ala: Yina mi kal ngola, wani vama nde tam mbei ir sanina mi le nga d’uo ge?

Ezekiyel 14:1

Bur tu suma nglo suma Israel suma hiuna a mba gevenu, a kak kä avoronu.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Ezekiyel 8:1

Kur biza d’a karagayad’a bugol la a yomi magombid’a, kur bur ma vahlâ hi til ma karagayana, ata yima an nga kaka kä hur aziyana, suma nglo suma Juda-na a nga kaka kä avoron mi. Salad’a Ma didina mi tin abom kanu.

Sunda hi suma hi Levi-nid’a 26:18

Le an lagi ahle ndazina hina pet ba, agi humugi nga d’uo ni, an mba ni ngobogi ngo-ngop yan kid’iziya yam tcho magid’a.

Sunda hi suma hi Levi-nid’a 26:21

Le agi tchologi ad’enga agi min humun nduo ni, an mba ni tumugi ki tugud’ei d’a tcho d’a tchi matna tutum yan kid’iziya ndak yam tcho magid’a.

Sunda hi suma hi Levi-nid’a 26:24

an mba ni tchol ad’enga ki sed’egi mi, an mba ni tumugi tutum yan kid’iziya yam tcho magid’a.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Malatchi 2:9

An mba ni gologi is, an mba ni mbud’ugi d’igi vama ndak kuo na na avok suma pet, kayam agi ngomogi nga lovot manda d’i, agi kagagi ni ir suma go ata yima agi nga vazi ad’u gat mandina.

Gat ta a hat á mbàd’id’a 32:23

An mba ni togozi ndaka kaziya, an mba ni yed’ezi ki yeû manda.

1 Samuel 3:1

Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a.