Ezekiyel 7:24 - Bible azumeina

²⁴ An nga ni mba kandjaf suma asa’at mazid’a kal suma petna á yozi aziyaziya, an mba ni dap vun subur tad’a hi suma nglonid’a woyo. Yi mazi ma a tinim iram vam tetengâ mba mi mbut ndjendjed’a mi.

Ezekiyel 7:24 ပူးပေါင်းရင်းမြစ်များ

Ad’u Tinda 47:26

Josef mi tin gata kur bur máma ala: Vama vahlâ pat tu mi Faron. Gat ndata nga kad’enga gak ini kur ambas sa Ezipte-d’a. Wani ni siliud’a hi suma ngat buzunid’a hol ba, ti nga ni hi Faron-nda d’i.

Sawal la giled’a 106:41

Mi hazi abo andjaf suma dingâ; suma a noyôzi woina a te kaziya.

Sawal la giled’a 74:7

Azi do yi mang ma a tinim iram vama akud’a, azi to gulumun mangâ woyo, a miret yima a yang simiyêng kuana kä kaseziya.

Sawal la giled’a 83:12

Ang b’lak suma nglo mazina woi d’igi ang b’lak Orep ki Zep na, ang b’lak amulei mazina woi d’igi ang b’lak Zeba ki Salmuna na mi.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 6:12

Fata an ni mat abon á ngop suma a nga kaka kur ambasina, aziyazi kasinezi kamiyôzina a mba arî mi suma dingâ.

Hor ma tchina 5:2

Djo mamina a hum wa mandjaf ma dingâ, a he wa aziyami mi suma ami wazi nga d’uo na.

Ezekiyel 21:2

Ang gor sana, ang mbut irang abo ma sutna hambasina, ang djok vuna mi suma a nga kaka aduk agud’a abo ma sutnina.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Ezekiyel 28:7

gola! An nga ni mba kandjaf suma dingâ á durungû. Ni suma asa’at mazid’a kal la hi ndrozinid’a. Azi mba kang ne mang nga kal teglesa woi ki mbigeu mazi d’a fiyaka, a mba mired’eng subur manga kä mi.

Ezekiyel 33:28

An mba ni b’lak ambasa woyo, an mba ni mbud’ut hur fulâ. Ad’eng mat ta sum matna a subur tazi kata, mba d’i dap peyo. Ahinad’a hi Israel-lîd’a mba d’i arî djona, sa mba mi kal kua d’uo d’a.

Sofoni 1:13

A mba hurum ndjondjoî mazid’a, a mba b’lagazi aziyazi woyo, a mba min azina, wani azi mba kak kur ri, a mba pe guguzlud’a, wani azi mba tchat sümut tuo mi.