Ezekiyel 7:19 - Bible azumeina

¹⁹ A mba tchuk bege mazi d’a hapa woi ir palumba, lor mazid’a mba d’i mbut ni vama ndjendjed’a. Bege mazid’a ki lor mazid’a a mba ndak á sud’uzi woi kur bur ma ayîna hi Ma didinina d’i. A mba hobozi hayazi d’uo mi na, a mba ndagazi d’uo mi, kayam ni azi ba, a tchuguzi kur tcho d’a led’a.

Ezekiyel 7:19 ပူးပေါင်းရင်းမြစ်များ

2 Amuleina 7:15

Wani suma amulâ sunuzina, a i blogozi gak avun alum ma Jurdê-na, wani azi fe baruna tchuka kä hur lovota ngola kahle suma suma Siri-na a tchuguzi woi abo aneka á ringâ atogona. Suma amulâ sunuzina a hulongî a de zla ndata mamulâ.

Zla d’a d’ogolâ 10:2

Ndjondjoî d’a a fat ki mbut irid’a zlat nga d’i, wani d’ingêra nga d’i prut sana woi avun matna.

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Ma tchi wala 5:10

Ata yima ahlena a zul heîna, suma a tazina a zul mi. Ni djiviya me ba, salazina mi fat ke? Mi golozi ni ki iram hawana d’uo zu?

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Ezekiyel 13:5

Agi igi nga á min ir gulumun ma hulut teina d’i, agi gagi nga gulumuna yam azì ma Israel-lâ tala mi tchol ad’enga ata yima durâ kur bur ma ayîna hi an Ma didinina d’a d’uo mi.

Ezekiyel 14:7

Kayam ma Israel ma lara d’oze angei ma nga kaka aduk Israel-lâ ma mi wal lei ki sed’en ma mi tin hurum yam filei ma nga mi zud’um á le tchod’ina, le mi mba gen ma djogon vunana ala mi djobon kamu ni, ni an Ma didina ba, mba ni hulongôn humba ni an tanda.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 44:12

Wani kayamba azi le sun nda ngat buzuna avok fileina á tchuk Israel-lâ kur tchod’id’a, ni kayam ndata ba, an hlabon akulo an gun tan ala: Sum ndazina a mba zi aneka hi tcho mazid’id’a kaziya. An Salad’a Ma didina ni de na.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Sofoni 1:3

An mba ni b’lak suma woi ki d’uwarâ kahle suma abageina kaluweina ki kulufâ woyo, an mba ni b’lak suma asa’atna ki sun mazi d’a b’lak suma woyo, an mba ni ar sa yam andaga tu d’i.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Romê-na 11:9

David mi de hina mi ala: Ar te mazina mi mbut nabeid’a ki dauna á vaziya, kayam a puk kä, a fe wurak mazid’a mi.