Ezekiyel 6:7 - Bible azumeina

⁷ Mad’a suma mba mi tchuk kä adigagiya, agi mba wagi ala an ni Ma didina.

Ezekiyel 6:7 ပူးပေါင်းရင်းမြစ်များ

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Buzuk ka Abud’a 14:18

Ata yima an mba ni mbut vama subura yam Faron ki pus mama ki mam suma djang akulumeinina, Ezipte-na a mba wala an ni Ma didina.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 25:33

Kur bur máma suma Ma didina mba mi tchazina, mad’azi mba mi sam kä didi gak i avun dabid’a handagad’id’a abo hî abo hî. A mba fe sa á tchizi d’i, a mba fe sa á yozi d’i, a mba fe sa á tozozi d’uo mi, wani a mba mbut ni d’igi siligitna na kä yam andagad’a.

Hor ma tchina 4:9

Suma a tchazi avun ayînina hotei kal suma meid’a ti tchazi suma ad’engêzi ti dap pei suma tena kid’agazina.

Ezekiyel 11:10

An mba ni tchagi avun ayîna, an mba ni kagi sariyad’a kagi gak ir hagad’a hi Israel-lîd’a. Agi mba wagi ala an ni Ma didina.

Ezekiyel 11:12

Agi mba wagi ala an ni Ma didina, kayamba agi tid’igi nga yam gat manda d’oze agi tid’igi nga yam vun man ma hed’a d’uo d’a. Wani agi tid’igi ni yam gata handjaf suma a nguyuginid’a.

Ezekiyel 12:15

Fata an ni ndjoyôzi woi aduk andjaf suma yam ambasa tetengâ, azi mba wala an ni Ma didina.

Ezekiyel 12:19

Ang de mi suma kur ambas sa wandina ala: Salad’a Ma didina mi de mi suma a nga kaka Jerusalem yam andaga d’a Israel-lina ala: A mba te te mazina ni ki tcha d’a tatad’a, a mba tche mbiyo mazina ni ki hohoud’a, kayam ambas mazid’a mba d’i ar djona, ahle suma kurutna pet a mba dap pei yam murud’umba hi suma nga kurutna.

Ezekiyel 13:14

An mba ni to gulumun ma agi gulud’ugizi ki lasod’ina kä woyo, an mba ni drizim kä woi andaga. Ad’um mba ged’a mba d’i ar rei pid’agi, mba mi dris kä woyo. Agi mba dabagi woi kurumu, agi mba wagi ala an ni Ma didina.

Ezekiyel 13:21

An nga ni haû lafai magina woyo, an nga ni tchuk sum mana akulo woi abogiya. A mba mbut ni d’igi vama agi vum ki daunina na hur abogi d’uo d’a. Hina wani, agi mba wagi ala an ni Ma didina.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 13:9

An mba mi hlabon kan akulo á ngop suma djok vun suma ahle suma hawa ya’â nga nde tazi irazi suma a nga djok vun ma ka zlad’ina. Azi mba kal kur toka hi sum manid’a d’i, a mba b’irizi simiyêzi kä kur mbaktumba hi Israel-lîd’a d’i, a mba hulong yam ambas mazi d’a Israel-la d’uo mi. Hina wani, agi mba wagi ala an ni Salad’a Ma didina.

Ezekiyel 14:8

An mba ni mbut iran ni ngop sa máma, an mba ni mbud’umî vama taka ki vama ndala, an mba ni pad’am mbei aduk sum mana. Hina wani, agi mba wagi ala an ni Ma didina.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 20:26

An mbud’uzi ndjendjed’a ki he d’a hawa mazid’a ata yima azi nga ngal grozi suma avo’â woi kakud’ina, an min le ki sed’ezi hina á mbud’uzi hohoud’a á tagazi woi ala an ni Ma didina.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Ezekiyel 20:42

Fata an igi yam andaga d’a Israel-la kur ambas sa an hlabon akulo ni gun tan á hat mabuyogi ngolod’a, agi mba wagi ala an ni Ma didina.

Ezekiyel 20:44

Agi Israel-lâ, an mba ni le ki sed’egi yam tit magi d’a tchod’a ki sun magi d’a ndjendje d’a agi lata d’i, wani an mba ni le ki sed’egi ni yam simiyênu. Ata yi máma agi mba wagi ala an ni Ma didina. Wana ni zla d’a an Salad’a Ma didina ni data.

Ezekiyel 22:16

Ang tanga mba mbut ni vama zulona ir andjaf suma. Ata yi máma ang mba wala an ni Ma didina.

Ezekiyel 23:49

An mba hulongôzi tcho mazid’a kaziya. Azi mba zi tchod’a hi filei mazi ma tuwalid’a. Hina wani, agi mba wagi ala an ni Salad’a Ma didina.

Ezekiyel 24:24

Ezekiyel mba mi mbut ni vama taka kagiya. Agi mba lagi ni d’igi mam le hina. Fata ahle ndazina a led’a, ata yi máma agi mba wagi ala an ni Ma didina.

Ezekiyel 24:27

Kur bur máma vunang mba mi mal á de zlad’a mi ma sutna, ang mba ar ngela gak kuo d’a. Ang mba mbut ni vama taka kaziya, azi mba wala an ni Ma didina.

Ezekiyel 25:17

An mba ni hlatchugul la tchod’a kayîna ki sed’eziya. Fata an mba ni sä atchugulun ki sed’ezid’a, azi mba wala an ni Ma didina.

Ezekiyel 26:6

Magi suma a nga kelâ, a mba tchazi woi ki mbigeu d’a fiyaka. Hina wani, agi mba wagi ala an ni Ma didina.

Ezekiyel 28:23

An mba ni sunï tugud’ei d’a tcho d’a tchi matna kurungû, buzuna mba mi djang kä ir palum manga. Suma a mba durungâ a mba tchi suma ngola kä kurung ki mbigeu d’a fiyak ka tcholï ata yima lara ge peta. Hina wani, suma pet a mba wala an ni Ma didina.

Ezekiyel 30:26

An mba ni ndjoî Ezipte-na woi aduk andjaf suma dingâ, an mba ni ndjoyôzi woi yam ambasa teteng mi. Hina wani, azi mba wala an ni Ma didina.

Ezekiyel 32:15

Fata an mba ni mbut ambas sa Ezipte-d’a djona mba ni dap ahle suma kurutna woi pet ni tchi suma kurutna woi pet mi d’a, azi mba wala an ni Ma didina.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Ezekiyel 38:23

Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Ezekiyel 6:8

Wani fata an mba ni ndjoyôgi woi yam ambasa tetenga, an mba ni sut suma dingâ adigagiya. Ni suma a mba sut avun ayî ma durâ aduk andjaf sumina.

Ezekiyel 7:4

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala an ni Ma didina.

Ezekiyel 7:9

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala ni an Ma didina ba, ni ngobogiya.

Ezekiyel 9:7

Mi dazi kua ala: Agi mbud’ugi hur gong man nda kud’ora ndjendjed’a, agi oyôgi hur atranga woi ki mad’a suma, agi buzugugiya! Azi buzuga, a tchi suma hur azì ma ngolîna.