Ezekiyel 6:6 - Bible azumeina

⁶ Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Ezekiyel 6:6 ပူးပေါင်းရင်းမြစ်များ

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

Sawal la giled’a 115:8

Suma a lazina ki suma a tin huruzi kazina, a hle tazi ni d’igi azi tazid’a na mi!

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 2:18

Fileina ki zlam pet mba mi dap peyo.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Jeremi 10:22

Agi humugi vun ma wüna hi suma ma nga mi mbana, ni siwel la gandjau d’a ti tcholï yam ambas sa abo ma norâ á mbut azì ma nglo ma Juda-na djona á mbud’um domina hi hânina mi d’a.

Jeremi 17:3

Agi suma Juda-na, ahuniyô mana, bege magid’a, ndjondjoî magid’a pet ki yi magi ma akulo ndingâ, an mba ni he lovota mi suma á hurumuzi hawa yam tcho d’a agi lat yam andaga magid’a peta.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 51:18

Azi nahle suma hawa ya’â, ni sun nda lop ira. Fata mba mi ngobozid’a, a mba dap peyo.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Ezekiyel 12:19

Ang de mi suma kur ambas sa wandina ala: Salad’a Ma didina mi de mi suma a nga kaka Jerusalem yam andaga d’a Israel-lina ala: A mba te te mazina ni ki tcha d’a tatad’a, a mba tche mbiyo mazina ni ki hohoud’a, kayam ambas mazid’a mba d’i ar djona, ahle suma kurutna pet a mba dap pei yam murud’umba hi suma nga kurutna.

Ezekiyel 16:39

An mba ni hak aboziya. Azi mba pleyêk azì mak ma gaulangâ ki yi mak ma ndingâ woyo, azi mba fogok baru ma’â woyo, azi mba yok ahle mak suma djifâ, a mba arak gandilad’a kezigineû mi.

Ezekiyel 30:13

Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Ezekiyel 35:4

An mba ni mbut azì mak ma nglona djona, ndak mba d’i mbut hohoud’a. Ata yi máma ndak mba d’i wala an ni Ma didina.

Ezekiyel 5:14

Ndak Jerusalem, an mba ni mbud’uk djona ki vama ngula aduk andjaf suma a nguyu’â, ir suma a nga kalâ pet mi.

Ezekiyel 6:4

Yi mazi ma ngal ahle suma ngat buzu ma tetengâ mba mi mbut djona. An mba ni tozi filei mazi mafat ma tetengâ kä woyo, an mba ni tchuguzi mad’azi kä avok filei mazi ma teteng máma mi.

Ezekiyel 6:7

Mad’a suma mba mi tchuk kä adigagiya, agi mba wagi ala an ni Ma didina.

Wana ni mbaktumba hi Oze-d’a 10:2

Azi mbut suma hur ma mbàmbàna, a mba zi tcho mazid’a kaziya. Ma didina mba mi b’lagazi yi mazi ma ngal ahle suma ngat buzu ma tetengâ kä woyo, mba mi b’lagazi ahle mazi suma azi tinizi á ge humbina woi mi.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Mise 1:7

Filei mam ma tcheta mba mi kus seyo, he d’a hawa d’a mi fata, a mba tchugut aduk akud’a. An mba ni to alo mam ma tcheta woi kikizek, kayam mi gus ahle mam ndazina pet ni ki bege d’a gaulangâ, bege ndata a mba hulong wurak gaulang ma dingâ ki sed’et mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Mise 5:13

An mba ni kus agu ma agi pum malo d’a a yat ala Asera d’a na woyo, an mba ni b’lagagi azì magi ma nglona woyo.

Habakuk 2:18

Agu ma sama d’alâ nga mi tched’em d’igi angusa na na, zlamî zla me ge? Kawei ma sana yorom d’igi angus vana na na, mi hat ni zla d’a kad’a. Ni kayam me ba sana mi tin hurum yam filei ma ngel mam minim máma ge?

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

1 Samuel 5:4

Ndjivin nda mbàd’a azi we Dagon puk kä kua andaga avok zandu’â hi Ma didinina, huyogom arî mam go, kayam yam azi kabom kus seyo, a nga tchuka kä ata agu ma avun gongina.