Ezekiyel 6:13 - Bible azumeina

¹³ Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Ezekiyel 6:13 ပူးပေါင်းရင်းမြစ်များ

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

2 Amuleina 16:4

Mi hahle suma ngat buzuna ki dubang ma his djivid’ina yam yima ndingâ, yam ahuniyôna, ad’u agu ma lara ma angusâ mi.

Isai 1:29

Gagazi, agi mba mbud’ugi zulona kagu ma terben agi tinigi hurugi kama, agi mba mbud’ugi zulona kasine ma agi manam ma agi nga tuwalagizina mi.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Isai 66:17

Ma didina mi dala: Suma a tin tazi irat vat a mbut tazi yed’et á i kur asinena á tuwal fileina á tit bugol ma ngol ma nga tchola adigazi á mut kozongâ kahle suma ndjendjed’a ki klomina pet a mba bo woyo.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 23:41

A kak kä yam azang ma djif ma tabulâ nga tinda avoroma, a tin dubang man ma his djivid’ina ki mbul mana kä yam tabul máma.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Wana ni mbaktumba hi Oze-d’a 4:13

A ngat ahle suma ngat buzuna akulo yam ahinad’a yat ta ked’iwurenga, a ngal dubang ma his djivid’ina akulo yam yima ndingâ, ad’u agu sena, ad’u agu pepliyena, ad’u agu tereben suma anguzuna b’uguma mi. Ni kayam ndata ba, grogi suma aropma a nga le gaulangâ, grogina amiyôzina a nga le mizeuna mi.

Sofoni 1:10

An Ma didina nga ni dagiya: Kur bur máma a mba humï tchina avun agrek ma Kulufâ, a mba humï wulula ir palumba habo azì ma awilina hazì ma ngolîna. Ni b’lak ka ngol la yam yima ndingîd’a.