Ezekiyel 5:15 - Bible azumeina

¹⁵ Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Ezekiyel 5:15 ပူးပေါင်းရင်းမြစ်များ

1 Amuleina 9:7

an mba ni digigi agi Israel-lâ woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

2 Sunda Hamuleinid’a 29:8

Kayam ndata, Ma didina hurum zal yam suma Juda-na ki suma Jerusalem-ma. Mi mbud’uzi vama mandarâ, vama hohoud’a ki vama sanda d’igi agi wagizi ki iragi ini na.

Sawal la giled’a 39:11

Ang aran bei tod’a; an nga ni lá matna abo to manga.

Sawal la giled’a 79:4

Gola! Suma a nguyumina a nga ngulumiya, a nga san ad’umiya, a nga lazami mi.

Isai 26:9

Andjege an nga ni halangû, an nga ni halang kurun krovo mi, kayam me, ata yima ang nga ka sariyad’a yam andagad’a ka hina, suma a nga hat á tit tit ta d’ingêra.

Isai 43:28

Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Jeremi 23:40

an mba ni tinigi ngul la bei dabid’a atagiya, an mba ni mbud’ugi zulona, ni zulo ma bei sa mi mar kam ba na.

Jeremi 29:18

An mba ni digizi kayî ma durâ ki baktarad’a ki tugud’ei d’a tcho d’a tchi matna, an mba ni mbud’uzi vama mandarâ ir suma a nga kur leu d’a yam andagad’ina pet, an mba ni mbud’uzi vama ge vuna, vama atchapma, vama sanda ki vama ngula aduk andjaf suma pet suma an mba ni ndjoyôzi woi kuana.

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?

Hor ma tchina 2:16

Mak suma djangûna pet a nga mal vunazi á dak zla d’a tchod’a, a mba tchi feta, a mba et siyazi a dala: Ei b’lagat wa! Gagazi, wana ni bur ma ei tini huri kama! Ei mbei wa kuru, ei weizi wa mi!

Ezekiyel 11:9

An mba ni digigi woi kur azì máma, an mba ni hagi woi abo andjaf suma dingâ, an mba ni ndak vun zla manda, an mba ni kagi sariyad’a kagi mi.

Ezekiyel 14:8

An mba ni mbut iran ni ngop sa máma, an mba ni mbud’umî vama taka ki vama ndala, an mba ni pad’am mbei aduk sum mana. Hina wani, agi mba wagi ala an ni Ma didina.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Ezekiyel 22:4

zlad’a nga kang yam mat mang ma ang tchuma. Ang mbut tang ndjendjed’a ki filei ma ang tched’ema. Ni hina ba, ang nga dadak ki burungû, ang nga dap ki biza manga mi. Ni kayam ndata ba, an nga mi mbud’ung vama ngula mandjaf suma dingâ, vama lasa mi suma kur ambasina pet mi.

Ezekiyel 23:32

Salad’a Ma didina mi dala: Ndak mba tche ki kopma hi wiyeka ma hurum zula kä yuruk ma vunam mbei bubud’ina. Ndak mba d’i mbut ni vama sanda ki vama lasa, kayam kop máma mi oî woi tchid’it.

Ezekiyel 25:17

An mba ni hlatchugul la tchod’a kayîna ki sed’eziya. Fata an mba ni sä atchugulun ki sed’ezid’a, azi mba wala an ni Ma didina.

Ezekiyel 30:19

An mba ni ka sariyad’a yam Ezipte-na. Hina wani, azi mba wala an ni Ma didina.

Ezekiyel 5:16

An mba ni lagi ndaka ki baktarad’a á dabagi woyo. Mba d’i tagi tagi ni d’igi yeû d’a zala na. An mba ni yogi te ma agi ngomoma woyo, an mba ni ar meid’a ti tchagiya.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Sunda hi suma hi Levi-nid’a 26:32

An tanda mba ni b’lak ambas magid’a woyo; magi suma djangû suma a mba kak kurâ, a mba le atchap kad’u.

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

1 Korente-na 10:11

Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.

Gat ta a hat á mbàd’id’a 28:37

Agi mba mbud’ugi ni vama atchapma, vama lasa ki vama sanda aduk andjaf suma Ma didina mba mi igi adigazina.

Gat ta a hat á mbàd’id’a 28:46

Gat ndata mba d’i arî d’igi vama ge humba na kagi agi kandjavagiya.