Ezekiyel 5:10 - Bible azumeina

¹⁰ Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.

Ezekiyel 5:10 ပူးပေါင်းရင်းမြစ်များ

2 Amuleina 6:29

Wani ami yami mana, mud’umiziya. Tchavinda, an dat ala ti veï matna, ami mud’umiziya, wani ti ngeyemu!

Nehemi 1:8

Ang djib’er yam zla d’a ang damizi avun azong mangâ Moise-sa, ang dami ala: Le agi lagi tchod’a avoronu ni, an mba ni ndjoyôgi woi aduk andjaf suma dingâ.

Sawal la giled’a 44:11

Ang dadagami kazigami avok mami suma djangûna; suma a noyômina a hurumumi ahle mamina mi.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 19:9

An mba ni tinizi á mut grozi suma andjofâ ki grozi suma aropma. Nge nge pî mba mi mut ndrama abo ndak ka mazi suma djangûna ki suma a halazi á tchid’ina a mba lazizi kur bur ma a mba nguyuzi kä na.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Jeremi 49:32

Ma didina mi dala: A mba hurum djambal mazid’a, d’uwar mazi ma mimiyâ’â mba mi mbut ni vama hurumba avun ayîna. An mba ni ndjoyôzi woi ki simetna pet. Suma a wel ad’u dudumazina, an mba ni mba ki ndaka kazi ata yina pet.

Jeremi 49:36

An nga ni mba ki simetna fid’i ma abo ma fid’i ma avun dabid’a hakulod’ina yam suma Elam-ma. An mba ni ndjoyôzi woi ki simet máma pet, andjaf ma mba ba bei fe suma Elam-ma kuana nga d’i.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Hor ma tchina 2:20

Ma didina, ang gola, ang we suma ang nga djobozi vunazina! Na ni djivid’a á aropma a mut grozi suma kuruzi suma azi huruzi vazi heîna zu? Na ni djivid’a á tchi suma ngat buzuna ki suma djok vuna kur gonga hi ang Salad’a d’a a tinit irat vata zu?

Hor ma tchina 4:10

Arop suma we hohowa suma a nga yi grozina kabozi á mud’uzi abo b’lak ka ti mba yam sum manid’a!

Hor ma tchina 4:16

Ma didina tamba mi ndjoyôzi woi vivreng, mi min wazi d’uo d’a. Sa nga mi he ngola mi suma ngat buzuna d’oze sa nga mi we hohowa momorogeina d’uo mi.

Hor ma tchina 4:3

Hâna pî nga mi hapona mi groma á tched’a, wani sum mana a mbut ni djalagauna d’igi ariget ta hur fulîd’a na.

Ezekiyel 12:14

Azungeî suma a nguyuma, azigar mam suma a nga ngomoma zlapa ki azigar suma dingâ pet, an mba ni ndjoyôzi woi ata andagad’a abot ma fid’ina. An mba ni digizi blogozi kayî ma durâ.

Ezekiyel 12:15

Fata an ni ndjoyôzi woi aduk andjaf suma yam ambasa tetengâ, azi mba wala an ni Ma didina.

Ezekiyel 17:21

Azigar mam suma a mba ringâ a mba tchazi avun ayîna. Azigar suma a arâ, a mba b’rawazi woi yam andagad’a abot ma fid’ina. Agi mba wagi ala ni an Ma didina ba, ni de ni anu.

Ezekiyel 20:23

Ni an ba ni hlabon akulo hur fulâ, ni gun tan ala an mba ni b’rawazi woi aduk andjaf suma, an mba ni ndjoyôzi woi yam ambas sa dinga mi,

Ezekiyel 22:15

An mba ni ndjoî suma kurungâ woi aduk andjaf suma dingâ, an mba ni b’rawazi woi yam ambasa teteng, an mba ni dap ndjendje d’a kurunga woi pet mi.

Ezekiyel 36:19

An ngobozi yam tit mazid’a ki sun mazi d’a led’a, an ndjoyôzi woi aduk andjaf suma dingâ, a b’rau kaka woi kur ambasa teteng mi.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Ezekiyel 6:8

Wani fata an mba ni ndjoyôgi woi yam ambasa tetenga, an mba ni sut suma dingâ adigagiya. Ni suma a mba sut avun ayî ma durâ aduk andjaf sumina.

Daniel 9:7

Salad’a, angî ma d’ingêrâ, wani ami zulona nga mi lami ini ki suma Juda-na ki suma a nga kaka Jerusalem-ma ki Israel-lâ pet, suma gogona ki suma dedeina kur ambas sa lara ge pet ta ang ndjoyôzi woi kua yam tcho d’a azi langzid’a.

Sunda hi suma hi Levi-nid’a 26:29

Agi mba mud’ugi grogi suma andjofâ ki grogi suma aropma mi.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Amos 9:9

Gola! An he wa vuna, a mba yik Israel-lâ aduk andjaf suma d’igi a yik awuna na bei ir nde kä andaga tu ba.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.

Gat ta a hat á mbàd’id’a 32:26

An djib’er kurun ala an mba ni dabazi woi pet, an mba ni mbud’uzi suma sa mba mi djib’er kazi yam andagad’a d’uo na.

Gat ta a hat á mbàd’id’a 4:27

Ma didina mba mi b’rawagi woi aduk andjaf suma, agi mba mbud’ugi nandjaf ma akid’eina aduk suma Ma didina nga mi igi kua wana.