Ezekiyel 48:21 - Bible azumeina

²¹ Andagad’a ad’ut ta ara mba d’i arî mamulâ. Andaga mamba mba d’i yo hagad’a ni kandaga d’a a tinit irat vat mi Ma didinid’a ki yina hazì ma ngolîna abo hî abo hî mi. Abot ma tuna bubuwamî kilometred’a dogo yam mbà ki nusa, fiyagam mbi i gak tinï avun haga d’a abo ma yorogonid’a. Abot ma hina bubuwamî kilometred’a dogo yam mbà ki nusa, fiyagam mbi i gak tinï avun alum ma ngol ma Mediterane-na abo ma fladegena. Hina wani, andaga d’a a tinit irat vat mi Ma didinid’a ki gong mam mba kud’ora a mba ka’î aduk yi máma d’ad’ar.

Ezekiyel 48:21 ပူးပေါင်းရင်းမြစ်များ

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Ezekiyel 48:10

Andaga ndata abot ma a mba hum mi suma ngat buzunina fiyagamî kilometred’a dogo yam mbà ki nusa tinï ad’ud’a abo ma yorogona dei gak i abo ma fladegena, bubuwat ni kilometred’a vahl tinï ad’ud’a abo ma norâ dei gak i abo ma sutna mi. A mba min gong nga kud’ora hAlonid’a nadigat d’ad’ar.

Ezekiyel 48:20

Andaga d’a pet ta a tinit irat vat mi Ma didinid’a zlapa ki yina hazì ma ngolîna pet, fiyagam ki bubuwam nabo tazi tu, nala, kilometred’a dogo yam mbà ki nus nus.

Ezekiyel 48:22

Andagad’a hi suma hi Levi-nid’a ki yina hazì ma ngolîna mba mi wal andagad’a hamulîd’a kä aduk mbà. Andaga mamba mba d’i ar aduk andagad’a hi suma hi Juda-nid’a abo ma norâ kandagad’a hi suma hi Benjamin-nid’a abo ma sutna mi.

Ezekiyel 48:8

Agi tinigi andagad’a irat vat mi Ma didina, tinï ad’ud’a avun hagad’a hi Juda-d’a abo ma yorogona dei gak i abo ma fladegena. Bubuwat kilometred’a dogo yam mbà ki nusa, fiyagat ni d’igi d’a handjaf Israel ma dingîd’a na mi. A mba min gong nga kud’ora hAlonid’a nadigat d’ad’ar.