Ezekiyel 47:14 - Bible azumeina

¹⁴ Agi mba b’rawagi djona aduk tagi tu. Kayam an gun tan mabuyogi ngolo á hazi ambas ndata djona, ti mba d’i arî djo magina.

Ezekiyel 47:14 ပူးပေါင်းရင်းမြစ်များ

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 13:15

Kayam andaga d’a ang wat pet wanda, an mba ni hangzi ni mi ang kandjavang gak didin.

Ad’u Tinda 15:7

Ma didina mi dum kua ala: An ni Ma didin ma pad’angî woi kur andaga d’a Ur ra Kalde-d’a á hang ambas sa wandina.

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

Buzuk ka Abud’a 6:8

An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Zla d’a d’ogolâ 16:33

Suma a nga le togina á we vama nga mi mbana, wani ni Ma didina ba, mi ndak vun zla ndata.

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 20:42

Fata an igi yam andaga d’a Israel-la kur ambas sa an hlabon akulo ni gun tan á hat mabuyogi ngolod’a, agi mba wagi ala an ni Ma didina.

Ezekiyel 36:12

An mba ni he lovota mi man suma Israel-lâ a mba tit kagiya, a mba hlagiya, a mba mbud’ugi ni djo mazina, agi mba dabazi grozina woi d’uo mi.

Ezekiyel 48:29

Salad’a Ma didina mi he vuna ala: Ni hina ba, agi mba b’rawagi andagad’a mandjafâ hi Israel ma lara ge teteng, mba d’i arî djo mama mi.

Ndumba 14:16

Ma didina ad’engêm ndak nga á kal sum ndazina kur ambas sa mi gunuzi tam kata d’i. Ni kayam ndata ba, mi dabazi woi abagei hur fulâ wana!

Ndumba 14:30

An gun tanu, agi mba kalagi kur ambas sa an hle vunan kat ala agi kalagi kuad’a d’i. Ni Kalep Jefune goroma ki Josue Nun goroma hol ba, a mba kal kua.

Gat ta a hat á mbàd’id’a 1:8

Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.