Ezekiyel 45:9 - Bible azumeina

⁹ Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Ezekiyel 45:9 ပူးပေါင်းရင်းမြစ်များ

Wana ni mbaktumba hi Job-pa 20:19

Kayam mi le suma hohoud’a ndaka, mi arazi woyo, azì ma mam yom abozi kad’engina, mi hulong mi minim nga akulo d’i.

Wana ni mbaktumba hi Job-pa 22:9

Ang ar arop suma modonod’a a i abozi hawa bei hazi va, ang dap suma hokuyod’a ad’engêzi d’a ar nded’a woi mi.

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 6:7

Ti nga d’i lau asa’ata d’igi golonga ti lau mbina na. Vama ang humum kurutna ni murud’umba ki djop vuna vam tu. Vama an nga ni wum kurut teteuna ni mbuleina ki ndaka.

Ezekiyel 44:6

Ang de mi Israel suma bei hum vunina ala: Salad’a Ma didina mi dala: Agi Israel-lâ, an ndak wa ki sun magi d’a ndjendje d’a agi lata.

Ezekiyel 7:11

Murud’umba ti mbut wa d’igi totogo d’a to suma na. Va mazi mba mi ar ruo d’a, ablau mazi d’a mimiyâka pî, sa mba mi ar ri, ndjondjoî mazid’a d’oze subur mazid’a mba d’i dap peyo.

Ezekiyel 7:23

Ang min kindjingâ, kayam ambasa ti oyâ wa ki suma tchi matna, azì ma ngolâ mi oyâ wa ki suma murud’umba mi.

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Amos 5:24

Wani agi aragi sariya d’a d’ingêra ti djang d’igi mbina na, agi aragi d’ingêra ti djang d’igi toliyon nda bei sod’a ba d’a na mi.

Mise 2:9

Agi digigi aropma hi sum manina woi kur aziyazi ma azi huruzi vum heîna, agi nga yogi ahle suma djivi suma an hazi abo grozinina woi burâ ki burâ.

Mise 6:10

Na ni ndjondjoî d’a a fat ki mbut irid’a nga avo hi suma asa’atna tua zu? D’oze vama nga ahle ma a mbud’um gogora mala ni vama ndjendjed’a iran an Ma didina na mi nga tua zu?

Zakari 7:9

Ang ge hum suma yam zla d’a an Ma didin ma ad’engên kal petna ni dat adjeu ala: Agi kagi sariya d’a d’ingêra, agi wagi hohou tagiya,

Zakari 8:16

Wana nahle suma agi lagizina: Ar sama lara pî mi de ni zla d’a gagazid’a mi ndrama, ar agi kagi ni sariya d’a d’ingêr ra irata á mba ki b’leng nga halasa,

Wana ni Zla d’a Djivi d’a Luc mi b’irita 3:14

Azigarâ a djobom ala: Ami lami ni nana ge? Mi hulong dazi ala: Agi vagi va abo sa kad’enga d’i, agi tchugugi zla yam sa hawa yak ki, agi tinigi hurugi ni yam wurak magid’a go.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.