Ezekiyel 45:18 - Bible azumeina

¹⁸ Salad’a Ma didina mi de kua ala: Kur bur ma avo’â hi til ma avo’îna, agi vagi gor amuhl ma bei daka ba na, agi hagizi he d’a hawa d’a ngat buzuna á mbut gong man nda kud’ora yed’et.

Ezekiyel 45:18 ပူးပေါင်းရင်းမြစ်များ

Buzuk ka Abud’a 12:2

Til ma wana mba mi mbut ni til magi ma avo’â, mba mi mbut ni til ma avo’â hi biza magid’ina mi.

Buzuk ka Abud’a 40:2

Kur bur ma avo’â hi til ma avo’îna, ang ve zlub’u d’a ngaf ta d’a a tinit irat vata akulo.

Ezekiyel 43:19

Ang he suma ngat buzu suma hi Levi suma ad’u andjafâ hi Sadok suma an hazi vuna á lan sundina gor amuhlâ. Azi hum vama ngat buzuna á fe vat hurâ atanu. An Salad’a Ma didina ni de na.

Ezekiyel 43:20

Ang gom buzuwam do’, ang dom akulo ata yima ngal ahle suma ngat buzuna kengêm ma adivadif fid’ina nguyum mbei d’uhl. Ang yam buzuna ata vama ad’um kä ma ata kengêm ma fid’ina zlapa ki vunam ma dalalâ mi. Hina wani, ang mba tin yima ngal ahle suma ngat buzuna iram vam kanu.

Ezekiyel 43:22

Kur bur ma mbàna, ang he mbekmbere ma bei daka ba na vama ngat buzuna á fe hur ma vata atanu. Hina wani, ang mba mbut yima ngal ahle suma ngat buzuna yed’et, ang mba tinim iram vam kan d’igi ang le ki gor amuhlâ na mi.

Ezekiyel 43:23

Abong le dap wa ata he d’a hawa ndata da ni, ang ve gor amuhl ma bei dakina tu, gamlâ ma bei dakina tu mi,

Ezekiyel 43:26

Hina wani, kur bur ma kid’iziya máma, suma ngat buzuna a hahle suma ngat buzuna á mbut yima ngal ahle suma ngat buzuna yed’et, á tinim iram vam kan mi.

Ezekiyel 45:20

Kur bur ma kid’iziyana hi til ma avo’îna, agi lagi d’igi agi lagi kur bur ma avo’â yam suma a le tchod’a bei min mazid’a bei wed’a ba na na mi. Hina wani, agi mba mbud’ugi gong man nda kud’ora yed’et.

Ezekiyel 46:1

Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.

Sunda hi suma hi Levi-nid’a 16:16

Ni hina ba, mba mi mbut yima a tinim iram vam ma kal teglesâ yed’et yam ndjendjed’a hi Israel-lîd’a ki murud’um mazid’a ki tcho mazi d’a azi lata pet, mba mi le hina yam zlub’u d’a ngaf ta d’a nga adigazi azi suma ndjendjed’id’a.

Sunda hi suma hi Levi-nid’a 16:33

mba mi mbut yima a tinim iram vam ma kal teglesâ ki zlub’u d’a ngaf tad’a ki yima ngal ahle suma ngat buzuna woi yed’et, mba mi zlup yam tchod’a hi suma ngat buzuna ki tchod’a hablau sumid’a pet mi.

Sunda hi suma hi Levi-nid’a 22:20

Ar agi hagi vama daka vama ngat buzuna mi an Ma didina d’i, kayam an nga ni vum abogi d’i.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.