Ezekiyel 45:17 - Bible azumeina

¹⁷ Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Ezekiyel 45:17 ပူးပေါင်းရင်းမြစ်များ

2 Samuel 6:19

Bugola, David mi b’rau tena mablaud’a hi Israel-lâ pet; andjofâ karopma nge nge pî David mi hum avungô ma gureina ki hliu ma sora kades guguzlu d’a sod’a. Suma pet a b’rawa, nge nge pî mi i avo hatamu.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

2 Sunda Hamuleinid’a 31:3

Amulâ mi he abo ahle mama mi suma ngat buzuna he d’a hawa d’a ngal la yorogod’a ki d’a fladeged’a, he d’a hawa d’a ngal la bur ma sabatnid’a ki d’a deîd’a hi tilîd’a ki d’a hi vun til ma teteng ma a ngama, d’igi a b’ir kur gata hi Ma didinid’a na.

2 Sunda Hamuleinid’a 5:6

Ata yi máma amulâ Salomon ki Israel-lâ pet a tok ngui zandu’â kä, a ngat aho’â kamuzleina buzuna mAlona ablawazi kal ngola ndak á ndumba memeta.

Esdras 1:5

Ata yi máma suma nglo suma avok ades andjafâ hi Juda-nina ki suma avok ades andjafâ hi Benjamin-nina ki suma hi Levi-nina pet suma Alona mi malazi djib’er mazid’a woina, a tchol a i á min gong nga kud’ora hi Ma didin ma nga avo Jerusalem-ma.

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Ezekiyel 43:27

Bugol bur ma kid’iziya máma, tin ad’ud’a kur bur ma klavandina ar avok hî wani, suma ngat buzuna a han vama ngat buzu ma ngala ki vama ngat buzu ma zlap darigïd’a suma suma a mba handjina yam yima ngal ahle suma ngat buzunina. Hina wani, an mba ni vagi atanu. An Salad’a Ma didina ni de na.

Ezekiyel 45:15

Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi. Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.

Ezekiyel 46:1

Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.

Sunda hi suma hi Levi-nid’a 4:27

Ma didina mi de kua ala: Le sama hawa ma aduk sumina mi le tchod’a bei min mamba, le mi tchila yam vun man ma hed’a, le mi le tcho d’a ndak á led’a d’uo d’a bei mi wat ad’ut ba ni, zlad’a nga kamu.

Ndumba 29:29

Kur bur ma karagayana agi hagi amuzlei suma azungeîna klavandi, gamlâna mbà ki gro tumiyô suma bizazi tutu suma bei dakina dogo yam fid’i

Jean 1:16

Ni yam ndak memet mamba ba, ei pet fei sumad’a yam ndrat sumad’a.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

Hebre-na 13:10

Ei nga ki yima ngal ahle suma ngat buzuna ma suma ngat buzu suma a nga le sunda kur zlub’ud’ina a ndak á te kua d’uo na.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.