Ezekiyel 40:6 - Bible azumeina

⁶ Mi i avun agrek ma abo ma yorogonina. Mi djak akulo yam yima a djak kakulona, mi nga yima avun agre’îna. Fiyagam mba krovod’a ni metred’a hindi.

Ezekiyel 40:6 ပူးပေါင်းရင်းမြစ်များ

1 Amuleina 6:8

Gong nga ad’u kä d’a vunat ma kala nabo ma ndjufâ hi gong nga ngolina. A min yima djaka á i kur gong nga kat akulod’a nadugu, a le d’a hindid’a ni hina mi.

1 Sunda Hamuleinid’a 9:18

Nga mi ngom vun agrek ma abo ma yorogona hamulîna gak ini. Azi ni suma ngom vun agre’â kur kangâ hi suma hi Levi-nina.

1 Sunda Hamuleinid’a 9:24

Abo yima fid’ina, suma ngom vun agre’â a nga tchola kua gagang, nala, abo ma yorogona, abo ma fladegena, abo ma norâ kabo ma sutna mi.

Nehemi 3:29

Ma nga mi le sunda kazina ni Sadok Imer goroma. Mi nga mi le sunda ngagad’a yam aziyamu. Ma nga mi le sunda kama ni Semaya Sekaniya gorom ma nga mi ndjol vun agrek ma abo ma yorogonina.

Sawal la giled’a 84:10

Alo mamina, angî mbarei mamid’a; ang we, ang gol ir ma ang manama.

Jeremi 19:2

Ang i kur hor ra Ben-Hinom mba go ki vun agrek ma Azlungina. Ata yi máma ang de zla d’a an mba ni dangzid’a ki deleng akulo.

Ezekiyel 10:18

Subura hi Ma didinid’a ti ndeï woi avun yima kala hi gong nga kud’orina, ti i d’i kak yam tcherebêna.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 40:20

Mi nga vun agrek ma abo ma nor ma mi i hur atrang nga abud’ina fiyagam ki bubuwam mi.

Ezekiyel 40:22

Hur gong nga ngola ki fenetred’a kamulongeîna a nabo tazi tu ki vun agrek ma abo ma yorogonina. Sana mi djak akulo avun agrek ma abo ma norâ á i kur gonga ni ki vama djak akulo ma a tinim ndjendjek kid’iziyana.

Ezekiyel 40:24

Sa máma mi in abo ma sutna. Ata yi máma an we vun agrek ma dingâ. Mi nga hur gong nga ndjola ki gulumuna ki gong nga ngola, a nabo tazi tu ki vun agrek ma abo ma yorogonina.

Ezekiyel 40:26

Sana mi djak akulo avun agrek ma abo ma sutna á kal kur gonga ni ki vama djak akulo ma a tinim ndjendjek kid’iziyana. Amulongeîna a nga ndjara akulo ata gulumuna abo hî abo hî d’igi a nga ndjara akulo ata gulumun ma dingâ na mi.

Ezekiyel 40:5

Gulumun ma abuna mi ngui gong nga kud’ora hAlonid’a kä d’uhl. Sa máma mi hlakei d’a ngad’a abomu. Fiyagat ni metred’a hindi. Mi nga gulumuna bubuwam ki fiyagam mba akulod’a, azi dja’î metred’a hindi hindi.

Ezekiyel 40:7

Bugol yima avun agrek mámina hur gong nga ndjol la lara pî nga kua abo yima kal ma adu’â abo hî abo hî. Hur gongîyo suma ndjol ndazina fiyagazi ki bubuwazi ni metred’a hindi hindi mi. Bubud’a hi gulumun ma adigazina ni metred’a mbà ki nus nus. Yima a tchol kur gongîyo suma ndjola a i ki hur gong nga ngagad’a yam gong nga ngola d’ara ni metred’a hindi.

Ezekiyel 41:16

Yima a kal ki kur gong nga kud’ora hAlonid’ina, zlapa ki hur gong nga ngola ki hur gong nga azuta ki hur gongîyo suma a minizi akulo yam tazi hindi hindi suma a ngui gong nga kud’ora hAlonid’ina, a gaguna gulumuna kazi ei kä ad’u dei gak i ata fenetre d’a akulod’a. A duk fenetred’a woi kagu ma bebed’ena mi.

Ezekiyel 42:15

Ata yima sa máma mi dap gongîyo suma kur gulumun ma ngui yima suma a kud’or Alona kuana ngad’a dapma, mi ndan ndei abu avun agrek ma abo ma yorogonina. Bugola, mi tin ad’ud’a á nga yima ngui gongina.

Ezekiyel 43:1

Sa máma mi hlan avun agrek ma abo ma yorogonina.

Ezekiyel 43:17

Yam ma mbàna, fiyagam ki bubuwam nabo tazi tu mi, ni metred’a kid’iziya kid’iziya. Vunam ma dalalâ fiyagam mba akulod’a ni santimetred’a dok mbà yam vahl. Santimetre d’a dok vahl hla ad’u kä d’a ni nguid’a woi ki b’irlima. Azi djak akulo ni ki vama nga tinda ndjendjek ma abo ma yorogonina.

Ezekiyel 43:8

Amulei mazina a min vun gong mazid’a ki yi mazi ma ndjendjek ma a djak kakulo avun gonga hazì mazinina go ki vun gong manda, go ki yi man ma ndjendjek ma a kal ki krovo kur gong man nda kud’orina mi. Wani ni gulumuna ba, mi walami adigami woi kaziyaziya. Ni hina ba, a mbud’un simiyên Ma bei tchod’a ba na ndjendjed’a. Ni kayam ndata ba, an b’lagazi woi kayî mana wana.

Ezekiyel 44:1

Sa máma mi hulongôn mi in avun agrek ma abu ma abo ma yorogona hi yima a tinim iram vama. Wani vun agrek máma mi ni duka.

Ezekiyel 46:12

Le amulâ mi min han he d’a hawa d’a kur min mambid’a, le ni he d’a hawa d’a ngala d’oze ni he d’a hawa d’a zlap darigïd’a ni, a malamî vun agrek ma abo ma yorogona hatrang nga krovod’ina. Mam he he d’a hawa mamba d’igi nga mi hat kur bur ma sabatna na. Bugola, mi nde woi abua. Ata yi máma a duk vun agre’â blogomu.

Ezekiyel 47:1

Sa máma mi hulongônï avun agre’â hi gong nga kud’ora hAlonid’ina. An gol wani, mbina nga mi djangî kä ad’u vun gonga abo ma yorogona kayam gong nga kud’ora hAlonid’a irat nabo ma yorogona. Mbina nga mi djangî kä kur gong ndata abo ma sutna, mi kal abo ma sutna hi yima ngal ahle suma ngat buzunina mi.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.