Ezekiyel 40:45 - Bible azumeina

⁴⁵ Mi dan ala: Gong nga irat abo ma sutnid’a ni yam suma ngat buzu suma a nga le sunda kur gong nga kud’orina,

Ezekiyel 40:45 ပူးပေါင်းရင်းမြစ်များ

1 Sunda Hamuleinid’a 6:49

Aron azi ki groma a nga hahle suma ngat buzuna yam yima ngal ahle suma ngat buzuna ki dubang ma his djivid’ina yam yima ngal dubang ma his djivid’ina, a nga ndak vun sun mazi d’a lara ge pet kur yima a tinim iram vam ma kal teglesâ, a nga zlup yam tchod’a hi Israel-lîd’a d’igi Moise azongâ hAlonina mi hazi vuna na.

1 Sunda Hamuleinid’a 9:23

Azi ni suma a ngom vun agre’â ki gong nga kud’ora hi Ma didinid’a kur atchogoi d’a lara ge petna.

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

Sawal la giled’a 134:1

Ni sawal la suma a djak Jerusalem á lü vun tilîna a hlata. Agi azungeîna hi Ma didinina pet suma nga tchola kur gong mamba andjegena, agi suburugiziya!

Ezekiyel 40:17

Sa máma mi in hur atrang nga abu d’a hur gongîyona dok hindi a nguyuta. Atrang ndata ti ni mbud’a d’andrang.

Ezekiyel 40:38

Hur gong nga abo ma yam hur gong nga ngol la ngagad’a yam vun agrek ma abo ma norîd’a ni gong nga a mbus hliwa vama a hum he d’a hawa d’a vama ngat buzu ma ngala kuana.

Ezekiyel 44:11

A mba lan sunda, a mba kak ndjola avun agre’â hi gong man nda kud’orina teteng, a mba le sunda kurut teteng mi, a mba ngat d’uwar ma a mba hum vama ngat buzu ma ngalina ki vama a hum yam he d’a hawa d’a dingina, a mba ka’î suma ndjun suma avoron mi.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 45:4

Yi máma ni yima a tinim iram vam mi an Ma didinina, kayam suma ngat buzu suma a nga le sun mandina a fe yima kaka kua. Azi mba min gongîyo mazina kua, a mba min gong man nda kud’ora ni kua mi.

Ezekiyel 8:5

Alona mi dan ala: Ang gor sana, ang hle irang akulo abo ma norâ. An hle iran akulo abo ma norâ mi. Gol wani, filei ma Alona hurum nga mi zal kama mi nga tinda abo ma norâ avun agrek ma i ata yima ngal ahle suma ngat buzunina avun yima kala.

Sunda hi suma hi Levi-nid’a 8:35

Agi lagi burâ kid’iziya falei kandjege avun zlub’u d’a ngaf tad’a, agi ngomogi vun ma hed’a hi Ma didinina tala agi bogi d’uo d’a. Wana ni vama Ma didina mi han vuna kama.

Ndumba 18:5

Agi ngomogi ahlena hi yima kud’orina kahlena hi yima ngal ahle suma ngat buzunina kayambala an hurun zal yam Israel-lâ d’uo d’a.

Ndumba 3:32

Elazar ma Aron goromina, ni ma ngol ma yam suma nglona hi suma hi Levi-nina, ni ma nga mi ngom suma a nga ngom yima a tinim iram vamina mi.

Ndumba 3:38

Moise, Aron azi ki groma a ve zlub’u mazid’a avun zlub’u d’a ngaf tad’a abo ma yorogona. A nga ngom yima a tinim iram vama yam Israel-lâ. Le sama ding ma nga ni ma ngat buzuna d’uo ba, mi hut go á le sun ndata ni, a tchum mbeyo.

1 Timote 6:20

Ang Timote, ang ngom ahle suma a hangzi abongâ. Ang hazigang mi djudjun nda hawa yak ka ndjak nga ki he gagazid’a d’uo d’a ki zla d’a tuguyo d’a azi nga yat ala ni ned’a d’a wani ni zla d’a kad’a.

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!