Ezekiyel 40:39 - Bible azumeina

³⁹ Kur gong ndata tabulâ nga kua, mbà abo hî, mbà abo hî á ngat d’uwar ma a hum he d’a hawad’a ngalina, ma a hum he d’a ngat buzu d’a tetenga, ma a hum he d’a hawa d’a vat hurâ yam tchod’ina mi.

Ezekiyel 40:39 ပူးပေါင်းရင်းမြစ်များ

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Ezekiyel 40:40

Abu avun gong ndata, tabulâ fid’i nga kua. Ata yima sana nga mi mba á djak akulo avun agrek ma abo ma norîna, mi we tabul ma fid’i máma, mbà abo hî, mbà abo hî mi.

Ezekiyel 40:41

Kayam ndata, tabulâ naklavandi á ngat d’uwar ma a hum á ngat buzunina kamu, fid’i avun agre’â abo hî, fid’i abo hî mi.

Ezekiyel 40:42

Tabulâ nga fid’i ni ma a minim kahina d’a tchetina, ni ma a mbus hliwa ahle suma a ngad’azi á hazi he d’a hawa d’a ngala kama. Bubuwam ki fiyagamî santimetred’a dok kid’iziya yam vavahl, fiyagam mba akulod’a ni santimetred’a dok vahl dok vahl mi. A tchuk ahle suma sun suma a ngat kahle suma ngat buzunina ni kam mi.

Ezekiyel 41:22

vama ngal dubang ma his djivid’a ma a lum kagunina na. Fiyagam mba akulod’a ni metred’a tu ki nusa, bubuwamî metred’a tu mi, kengêma kad’um mba ged’a pet ni kaguna. A minim abom ma fid’ina ni kagu ma bebed’ena mi. Sa máma mi dan ala: Va máma ni tabul ma a tinim iram vam avok Ma didinina.

Ezekiyel 42:13

Sa máma mi dan ala: Hur gongîyo suma nga abo ma norâ ki gongîyo suma nga abo ma sut suma nga avun atrang nga krovod’ina pet ni suma a tinizi irazi vazi mAlonina. Suma ngat buzu suma ndak á kal kur gong nga kud’ora hi Ma didinid’ina, a ndak á tahle suma a hazi he d’a hawad’a suma a tinizi irazi vazina kur gongîyo ndazina. Kayam a tin gongîyo ndazina irazi vaziya, suma ngat buzuna a ndak á tchuk ahle suma a hazi he d’a hawad’a suma a tinizi irazi vazina kua, nala, he d’a hawa d’a afuta kahle suma ding suma a hazi he d’a hawa d’a ngat buzuna teteng á fe hur ma vata yam tchod’ina mi.

Ezekiyel 44:16

Sum ndazina a mba kal kur gong man nda kud’ora, a mba hut go ki tabul mana á lan sunda, a mba ngom sun manda mi.

Ezekiyel 46:2

Amulâ mba mi kalï hur atrang nga abud’a, mba mi kal kur gong nga avun agre’îd’a, mba mi tchol go ki vun agre’â ata yima suma ngat buzuna a nga he he d’a hawa mam mba ngala ki he d’a hawa mam mba ngat buzu d’a zlap darigïd’a tua na. Mba mi grif kä yam yi máma. Bugola, mba mi hulong avo. A mba duk vun gonga ni fladege mbeî.

Sunda hi suma hi Levi-nid’a 5:15

Le sana mi le tchod’a bei wat ad’ut ba, mi hahle suma a tinizi irazi vazi mi an Ma didinina d’uo ni, mi mba ki gamlâ ma bei daka ma aduk d’uwar mamina mi an Ma didina, mi hum yam tchila mamba; ni gamlâ ma guzum ndak ir aneka hi bege d’a a ngat á hed’a yam zlub’u d’a kud’orid’a.

Sunda hi suma hi Levi-nid’a 5:19

Wana ni vama ngat buzu ma yam tchilad’ina, kayam sa máma zlad’a nga kam avogon an Ma didina gagazi.

Sunda hi suma hi Levi-nid’a 6:6

Akud’a mba d’i ngal yam yima ngal ahle suma ngat buzuna hina baba bei mit tei ba.

Malatchi 1:12

Wani ni agi ba, nga lazan simiyênu. Agi nga dagi ala: Yima ngal ahle suma ngat buzunina hi Ma didinina mi ndjendjed’a, ahle suma te suma yam yima ngat buzunina, agi golozi is mi.

Malatchi 1:7

Ni kayamba agi nga mbagi kahle suma te suma ndjendjed’a yam yi man ma ngal ahle suma ngat buzunid’a. Agi nga dagi ala: Ami mbud’ung ndjendjed’a ni ki me ge? Ni kayamba agi golon yi man ma ngal ahle suma ngat buzuna isa.

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.