Ezekiyel 40:38 - Bible azumeina

³⁸ Hur gong nga abo ma yam hur gong nga ngol la ngagad’a yam vun agrek ma abo ma norîd’a ni gong nga a mbus hliwa vama a hum he d’a hawa d’a vama ngat buzu ma ngala kuana.

Ezekiyel 40:38 ပူးပေါင်းရင်းမြစ်များ

1 Amuleina 6:8

Gong nga ad’u kä d’a vunat ma kala nabo ma ndjufâ hi gong nga ngolina. A min yima djaka á i kur gong nga kat akulod’a nadugu, a le d’a hindid’a ni hina mi.

1 Sunda Hamuleinid’a 28:12

Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a.

2 Sunda Hamuleinid’a 4:6

Mi le hal ma kawei ma hleuna dogo, mi tin vahl abo ma ndjufâ, mi tin vahl abo ma gulana á mbus kahle suma ngat buzu suma ngala. Hal ma ngolâ ni yam suma ngat buzuna á mbusa mi.

Nehemi 13:5

mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.

Nehemi 13:9

Bugola, an he vuna ala a mbut hur gonga yed’et, a hulong tchuk ahle suma a le ki sunda kur gong nga kud’ora hAlonid’ina ki he d’a hawad’a awuna ki dubang ma his djivid’ina kur gong ndata.

Jeremi 35:4

An i ki sed’ezi kur gong nga kud’ora hi Ma didinid’a kur hurut ma hi Hanan groma Jikdaliya goroma sana hAlonina go ki gonga hi suma nglona akulo yam hur gonga hi Mäseya Salum goroma ma ngom vun gongina.

Jeremi 36:10

Baruk mi ndum zlad’a hi Jeremi d’a mi b’irit kur mbaktum mba d’utid’a avok suma kur gong nga kud’ora hi Ma didinid’a, kur gonga hi Gemariya Safan ma b’ir mbaktumba goroma, kur atrang nga akulo ndinga avun Agrek ma Awilina hi gong nga kud’orina mi.

Ezekiyel 40:12

Avok hur gong nga ndjol la lara ge gulumun ma d’el sumina nga. Fiyagam mba akulod’a ni nus metred’a nus metred’a. Hur gong nga ndjol la lara ge bubuwat ki fiyagat ni metred’a hindi hindi mi.

Ezekiyel 40:17

Sa máma mi in hur atrang nga abu d’a hur gongîyona dok hindi a nguyuta. Atrang ndata ti ni mbud’a d’andrang.

Ezekiyel 40:44

Sa máma mi in kur atrang nga krovod’a. Gongîyona mbà a nga kua. Ta tud’a ti ni gen vun agrek ma abo ma norîna, irat nabo ma sutna. Ta mbàd’a ti ni gen vun agrek ma abo ma sutnina, irat nabo ma norâ mi.

Ezekiyel 40:45

Mi dan ala: Gong nga irat abo ma sutnid’a ni yam suma ngat buzu suma a nga le sunda kur gong nga kud’orina,

Ezekiyel 40:46

wani gong nga irat abo ma norîd’a ni yam suma ngat buzu suma a nga le sunda avun yima ngal ahle suma ngat buzunina mi. Mi dan kua ala: Aduk Levi groma pet ni suma abuzi ngolo ni Sado’â hol ba, a ndak á le sunda mi Ma didina kur gong mam mba kud’ora.

Ezekiyel 42:13

Sa máma mi dan ala: Hur gongîyo suma nga abo ma norâ ki gongîyo suma nga abo ma sut suma nga avun atrang nga krovod’ina pet ni suma a tinizi irazi vazi mAlonina. Suma ngat buzu suma ndak á kal kur gong nga kud’ora hi Ma didinid’ina, a ndak á tahle suma a hazi he d’a hawad’a suma a tinizi irazi vazina kur gongîyo ndazina. Kayam a tin gongîyo ndazina irazi vaziya, suma ngat buzuna a ndak á tchuk ahle suma a hazi he d’a hawad’a suma a tinizi irazi vazina kua, nala, he d’a hawa d’a afuta kahle suma ding suma a hazi he d’a hawa d’a ngat buzuna teteng á fe hur ma vata yam tchod’ina mi.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 8:21

Mi mbuzum aruwad’am mbei kasemu, mi ngalazi woi yam yima ngal ahle suma ngat buzuna ki gamlâna hliwim ma arâ pet d’igi Ma didina mi hum vuna na. Wana ni he d’a hawa d’a ngala, ni vama ngat buzu ma his ma afufuî ma avok Ma didinina.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.