Ezekiyel 40:22 - Bible azumeina

²² Hur gong nga ngola ki fenetred’a kamulongeîna a nabo tazi tu ki vun agrek ma abo ma yorogonina. Sana mi djak akulo avun agrek ma abo ma norâ á i kur gonga ni ki vama djak akulo ma a tinim ndjendjek kid’iziyana.

Ezekiyel 40:22 ပူးပေါင်းရင်းမြစ်များ

1 Amuleina 6:29

Mi d’udjo tcherebêna, amulongeîna ki b’o d’a mbumbuyîd’a kur gong nga kud’ora hurut ma mbàna.

1 Amuleina 6:32

Mi d’udjo tcherebêna, amulongeîna ki b’o d’a woi mbumbuyîd’a ata bap ma mbà ma avun gongina, mi gulud’umî ki lora.

1 Amuleina 6:35

Mi d’udjo tcherebêna, amulongeîna ki b’o d’a mbumbuyîd’a kua, mi gulud’uzi ni ki lora mi.

1 Amuleina 7:36

Mi tin tcherebêna kazlona kamulongeîna akulo yam kawei ma bebed’e ma yam ma murguli ma djigim akulona ki ma apei pusîna ata yima ar hawana, b’od’a hi tamasid’a nguyuzi woi d’uhl mi.

1 Amuleina 7:4

Gong nga lara pî ti nga ki fenetred’a djirdid’a hindi hindi kagu matna memet. Fenetre d’a lara pî ngagad’a yam ndrata memet.

2 Sunda Hamuleinid’a 3:5

Mi ndja agu sipre ma bebed’ena kua. Huyok gonga hurut ma ngolâ, mi gulud’ut ni ki lor ra bei zozota ba d’a, mi tchet ahlena d’igi amulongeîna ki vayirâ na kua mi,

Ezekiyel 40:16

Gulumun ma abuna, gulumuna hi gongîyo suma ndjola, gulumun ma aduk gongîyo suma ndjolina ki gulumuna hi gong nga ngolina pet fenetre mazid’a a lat ni ki kawei ma iram ndjâna. Fenetre ndata ti eûd’a abo ma abuna, wani abo ma krovona ti ni bubud’a hohogok. Ti nga nguid’a avun agre’â pet mi. A ndjar amulongeîna akulo ata gulumuna hi gongina pet mi.

Ezekiyel 40:25

Fenetred’a ti ngui vun agre’â ki hur gong nga ngola d’igi ti ngui vun agrek ma abo ma yorogonina na mi. Vun agre’â fiyagamî metred’a dok mbà yam vahl, bubuwamî metred’a dogo yam mbà ki nusa mi.

Ezekiyel 40:26

Sana mi djak akulo avun agrek ma abo ma sutna á kal kur gonga ni ki vama djak akulo ma a tinim ndjendjek kid’iziyana. Amulongeîna a nga ndjara akulo ata gulumuna abo hî abo hî d’igi a nga ndjara akulo ata gulumun ma dingâ na mi.

Ezekiyel 40:29

Hur gong nga ndjola, gulumun ma adigazina ki hur gong nga ngola, fiyagazi ki bubuwazi nabo tazi tu d’igi vun agrek ma tetengâ na mi.

Ezekiyel 40:31

Hur gong nga ngol ndata ti nga ki vuna á i hur atrang nga abud’a. Amulongeîna a nga ndjara akulo ata gulumun ma krovona. Sana mi djak akulo á kal kur gonga ni ki vama a tinim ndjendjek aklavandina.

Ezekiyel 40:34

Hur gong nga ngol ndata ti nga ki vuna á i hur atrang nga abud’a. Amulongeîna a nga ndjara akulo ata gulumun ma krovona abo hî abo hî. Sana mi djak akulo á kal kur gonga ni ki vama a tinim ndjendjek aklavandina.

Ezekiyel 40:37

Hur gong nga ngol ndata ti nga ki vuna á i ki hur atrang nga abud’a. Amulongeîna nga ndjara akulo ata gulumun ma krovona abo hî abo hî. Sana mi djak akulo á kal kur gonga ni ki vama a tinim ndjendjek aklavandina.

Ezekiyel 40:49

Hur gong nga avun yima kalid’a fiyagat ni metred’a dogo, bubuwat ni metred’a karagaya. Sana mi djak akulo á kal kua ni ki yima a tinim ndjendjek dogona. Agu ma murgulina mbà mi nga kua, tu abo hî, tu abo hî mi.

Ezekiyel 40:6

Mi i avun agrek ma abo ma yorogonina. Mi djak akulo yam yima a djak kakulona, mi nga yima avun agre’îna. Fiyagam mba krovod’a ni metred’a hindi.

Hebre-na 6:1

Kayam ndata, ei arei hat ta adjeu d’a yam Christ-sa woi blogeya, ei i avogovok kur hat mamba, ei mbud’i suma ndak memetna mi. Ei dok tini ad’ud’a yei á mbàd’a yam mbut hurâ yam sun nda hawa yaka ki he gagazi d’a yam Alonid’a,

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.