Ezekiyel 40:16 - Bible azumeina

¹⁶ Gulumun ma abuna, gulumuna hi gongîyo suma ndjola, gulumun ma aduk gongîyo suma ndjolina ki gulumuna hi gong nga ngolina pet fenetre mazid’a a lat ni ki kawei ma iram ndjâna. Fenetre ndata ti eûd’a abo ma abuna, wani abo ma krovona ti ni bubud’a hohogok. Ti nga nguid’a avun agre’â pet mi. A ndjar amulongeîna akulo ata gulumuna hi gongina pet mi.

Ezekiyel 40:16 ပူးပေါင်းရင်းမြစ်များ

1 Amuleina 6:29

Mi d’udjo tcherebêna, amulongeîna ki b’o d’a mbumbuyîd’a kur gong nga kud’ora hurut ma mbàna.

1 Amuleina 6:32

Mi d’udjo tcherebêna, amulongeîna ki b’o d’a woi mbumbuyîd’a ata bap ma mbà ma avun gongina, mi gulud’umî ki lora.

1 Amuleina 6:35

Mi d’udjo tcherebêna, amulongeîna ki b’o d’a mbumbuyîd’a kua, mi gulud’uzi ni ki lora mi.

1 Amuleina 6:4

Amulâ mi min fenetred’a hi gong ndatid’a kaguna, a dugut ni ki kawei ma iram ndjâna.

1 Amuleina 7:4

Gong nga lara pî ti nga ki fenetred’a djirdid’a hindi hindi kagu matna memet. Fenetre d’a lara pî ngagad’a yam ndrata memet.

2 Sunda Hamuleinid’a 3:5

Mi ndja agu sipre ma bebed’ena kua. Huyok gonga hurut ma ngolâ, mi gulud’ut ni ki lor ra bei zozota ba d’a, mi tchet ahlena d’igi amulongeîna ki vayirâ na kua mi,

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Ezekiyel 40:12

Avok hur gong nga ndjol la lara ge gulumun ma d’el sumina nga. Fiyagam mba akulod’a ni nus metred’a nus metred’a. Hur gong nga ndjol la lara ge bubuwat ki fiyagat ni metred’a hindi hindi mi.

Ezekiyel 40:15

Tchol avun agre’â abo hî gak ndeza woi abo hî ni metred’a dok mbà yam vahl.

Ezekiyel 40:25

Fenetred’a ti ngui vun agre’â ki hur gong nga ngola d’igi ti ngui vun agrek ma abo ma yorogonina na mi. Vun agre’â fiyagamî metred’a dok mbà yam vahl, bubuwamî metred’a dogo yam mbà ki nusa mi.

Ezekiyel 40:26

Sana mi djak akulo avun agrek ma abo ma sutna á kal kur gonga ni ki vama djak akulo ma a tinim ndjendjek kid’iziyana. Amulongeîna a nga ndjara akulo ata gulumuna abo hî abo hî d’igi a nga ndjara akulo ata gulumun ma dingâ na mi.

Ezekiyel 40:29

Hur gong nga ndjola, gulumun ma adigazina ki hur gong nga ngola, fiyagazi ki bubuwazi nabo tazi tu d’igi vun agrek ma tetengâ na mi.

Ezekiyel 40:30

Fenetred’a teteng ti ngui hur gong nga ngola mi. Vun agre’â fiyagam mba peta ni metred’a dok mbà yam vahl, bubuwamî metred’a dogo yam mbà ki nusa mi.

Ezekiyel 40:31

Hur gong nga ngol ndata ti nga ki vuna á i hur atrang nga abud’a. Amulongeîna a nga ndjara akulo ata gulumun ma krovona. Sana mi djak akulo á kal kur gonga ni ki vama a tinim ndjendjek aklavandina.

Ezekiyel 40:33

Hur gong nga ndjola, gulumun ma adigazina ki hur gong nga ngola, fiyagazi ki bubuwazi nabo tazi tu d’igi vun agrek ma tetengâ na mi. Fenetred’a ti ngui vun agre’â ki hur gong nga ngola. Vun agre’â fiyagam mba peta ni metred’a dok mbà yam vahl, bubuwamî metred’a dogo yam mbà ki nusa mi.

Ezekiyel 40:34

Hur gong nga ngol ndata ti nga ki vuna á i hur atrang nga abud’a. Amulongeîna a nga ndjara akulo ata gulumun ma krovona abo hî abo hî. Sana mi djak akulo á kal kur gonga ni ki vama a tinim ndjendjek aklavandina.

Ezekiyel 40:36

Hur gongîyo suma ndjola, gulumun ma adigazina, hur gong nga ngola ki fenetred’a nabo tazi tu ki vun agrek ma dingâ pet. Vun agre’â fiyagam mba peta ni metred’a dok mbà yam vahl, bubuwamî metred’a dogo yam mbà ki nusa mi.

Ezekiyel 40:37

Hur gong nga ngol ndata ti nga ki vuna á i ki hur atrang nga abud’a. Amulongeîna nga ndjara akulo ata gulumun ma krovona abo hî abo hî. Sana mi djak akulo á kal kur gonga ni ki vama a tinim ndjendjek aklavandina.

Ezekiyel 40:7

Bugol yima avun agrek mámina hur gong nga ndjol la lara pî nga kua abo yima kal ma adu’â abo hî abo hî. Hur gongîyo suma ndjol ndazina fiyagazi ki bubuwazi ni metred’a hindi hindi mi. Bubud’a hi gulumun ma adigazina ni metred’a mbà ki nus nus. Yima a tchol kur gongîyo suma ndjola a i ki hur gong nga ngagad’a yam gong nga ngola d’ara ni metred’a hindi.

Ezekiyel 41:18

tcherebêna kamulongeîna kua d’a. A ndjar amulongeîna bugol tcherebêna mbàmbà ata yina pet. Tcherebê ma lara pî iramî mbàmbà.

Ezekiyel 41:25

Ata bap ma avun yima a kal ki kur Yima a tinim iram vama, a ndjar tcherebêna kamulongeîna kua dedege d’igi a ndjarazi ata gulumuna na. A tin vun bilâ kaguna akulo abu avun gong nga a kal ki kur gong nga kud’ora hAlonid’a mi.

Ezekiyel 41:26

A ndjar amulongeîna akulo huyok gong nga djol la avun gong ndatid’a abo hî abo hî, a ndjarazi ata fenetre d’a a lat ki kawei ma iram ndjânid’a ni hina dedege mi.

Ezekiyel 41:3

Bugola, sa máma mi i kur gong nga azuta, mi nga yima a kal kuana. Fiyagamî metred’a tu, bubuwamî metred’a hindi. Gulumun mama ni metred’a hindi ki nusa abo hî abo hî mi.

Ezekiyel 42:3

Abot ma tuna mi ni ir yima kal ma bubuwamî metred’a dogo ma ngui gong nga kud’ora hAlonid’ina. Abot ma dingâ mi ni ir atrang nga abud’a. Gong ndata ti nga ki hur gongîyona ablaud’a suma a minizi akulo yam tazi hindi hindi na.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.