Ezekiyel 39:26 - Bible azumeina

²⁶ Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Ezekiyel 39:26 ပူးပေါင်းရင်းမြစ်များ

1 Amuleina 4:25

Kid’a Salomon mi nga ki iramba, suma Juda-na ki Israel-lâ a kak ki halasa ata yi máma, nge nge pî nga mi zum guguzlu mamba ki tulum mama ki halasa abo hî abo hî kur ambasa pet.

Sawal la giled’a 99:8

Ma didina Alo mamina, ni ang ba, hulongôzï humba, ang tagazi ala angî Alo ma vat hurung ngei yam tcho mazid’ina, ni ang ba, ngobozi yam sun mazi d’a led’a.

Isai 17:2

Azì ma nglo ma nguyutna a mba aram mbei ki irazi fafat, a mba aramî mi d’uwarâ, a mba mol kua, vama mba mi mbud’uzi mandarîna nga d’i.

Jeremi 30:11

Ma didina mi de kua ala: An nga ki sed’egi á sud’ugiya, an mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Ezekiyel 15:8

An mba ni mbut ambas ndata djona, kayam suma kurutna a he tazi yam sun nda batranga. An Salad’a Ma didina ni de na.

Ezekiyel 16:52

Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 20:27

Ma didina mi de kua ala: Ni kayam ndata ba, ang gor sana, ang de mi Israel-lâ ala: Salad’a Ma didina mi dala: Abuyogi ngolo a ngulun ata yima a tak tazi woi ala azi ni suma bei d’engzengâ avoronu na.

Ezekiyel 20:43

Ata yi máma agi mba djib’eregi yam tit magid’a ki sun nda lara ge d’a agi mbud’ugi tagi ndjendjed’a ki sed’eta, agi mba hlagi iragi akulo abo sun nda tcho d’a lara ge d’a agi lata d’i.

Ezekiyel 32:25

Amul ma Elam-ma mi nga burâ yam azang mama ki azigar mama aduk suma a tchazi avun ayînina. Asud’a hi azigar mamid’a ti nguyumu. Suma bei ngat bayâ ndazina pet a tchazi navun ayî ma durâ, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma azulei suma ding suma a tchazi avun ayînina.

Ezekiyel 32:30

Gola! Suma nglo suma abo ma norâ pet ki suma Sidon-na pet a nga kua, ni suma a i kä azulei ki suma a tchazina. Azi ni grang suma a mbut suma mandarâ adjeuna pî, ki tchetchemba, suma bei ngat bayâ ndazina a i wa azulei ki zulona, zlapa ki suma ding suma a tchazi avun ayînina.

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Ezekiyel 36:31

Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Ezekiyel 44:13

Ar azi mba avoron á le sun nda ngat buzuna d’i, ar azi hut go kahle suma a tinizi irazi vazi kana d’i, ar azi kal kur Yi man ma a tinim iram vam ma kal teglesâ d’uo mi. Hina wani, azi mba zi aneka hi sun mazi d’a zulo d’a ndjendje d’a azi lata kaziya.

Daniel 9:16

Salad’a, yam d’ingêr manga ang ar ayî mangâ ki hur ma zal ma gugulu’â mi b’leng ngei yam azì mang ma ngol ma Jerusalem-ma, yam ahina mang nga a tinit irat vata. Ni kayam tcho mamid’a yam sun nda batranga habuyomi ngolod’a ba, Jerusalem ki sum mangâ, a mbut vama ngula avok suma a nguyumina pet wana.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.