Ezekiyel 39:17 - Bible azumeina

¹⁷ Salad’a Ma didina mi dan kua ala: Ang gor sana, ang yi andjaf aluweina teteng kambureina, ang dazi ala: Agi tchologï ata yina teteng, agi mbeyegïya, agi togogï ka hî á tagi va man ma ngat buzu ma an tanda ni ngad’am kagina. Ni vama ngat buzu ma ngol ma yam ahuniyô suma Israel-lîna! Agi mba mud’ugi hliuna, agi mba tchagi buzuna mi.

Ezekiyel 39:17 ပူးပေါင်းရင်းမြစ်များ

Ad’u Tinda 31:54

Jakob mi ngat aho’â buzuna yam ahina ndata, mi yi b’oziyoma á te tena. Kayam ndata, azi a te, a bur yam ahina ndata mi.

Isai 18:6

Azi ki zla tazi pet a mba arazi woi maluwei suma yam ahuniyô suma a te hliunina, mamburei suma yam andagad’ina mi. Aluwei suma te hliuna a mba tchawalid’a ki hliwiziya, amburei suma yam andagad’ina pet a mba tchi vun simetna ki sed’ezi mi.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 34:7

Avünda kamuzleina kamuzlei digilina a mba puk kä ki sed’eziya, andagad’a ti mba d’i ka guruta abo buzuna, andaga d’a gugud’upa ti mba d’i ras ki mbulâ mi.

Isai 56:9

Agi amburei suma abageina kamburei suma aduk agud’ina pet, agi mbeyegï á tagi tena.

Jeremi 12:9

Sumala ni mana na, a mbut ni d’igi alei ma te hliu ma ndala ki buzuna ma aluwei suma te hliuna a nguyuma na kan ndju? Agi i togogï amburei suma abageina pet, agi mbeyezï ata yima tena!

Jeremi 25:33

Kur bur máma suma Ma didina mba mi tchazina, mad’azi mba mi sam kä didi gak i avun dabid’a handagad’id’a abo hî abo hî. A mba fe sa á tchizi d’i, a mba fe sa á yozi d’i, a mba fe sa á tozozi d’uo mi, wani a mba mbut ni d’igi siligitna na kä yam andagad’a.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Ezekiyel 29:5

An mba ni gang ngei hur fulâ, zlapa ki kuluf ma kur alum mangîna pet. Ang mba arî samba kä abageya. Sa mba mi hlang mi tozong nguo mi. An mba ni mbud’ungî tena hamburei suma yam andagad’ina kaluwei suma akulona mi.

Ezekiyel 39:16

A mba min azina kur hor ndata, a mba yum ala Hamona, nala, Ablaud’a. Hina wani, ambasa mba d’i mbut yed’et.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Sofoni 1:7

Agi kagagi ki vunagi ma du’â avok Salad’a Ma didina, kayam bur mama mi mba wa go, mi min wa va mam ma ngat buzuna, mi tin wa suma mam yazina irazi vazi mi.

Matiye 24:28

Ata yima harâ mi nga kuana, ata yi máma, aba’â mba mi tok kua mi.

1 Samuel 16:3

Ang yi Jesse ata yima ngat buzu máma; an mba ni tagang vama ang luma. Ang mba vo mbulâ yam ma an mba ni dang kam á tinim amulina.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.

1 Samuel 9:13

Agi kalagi hur azina, agi mba fum avok bei mam djak akulo ata yima nding ma a tinim iram vama á te tena. Bei mam mba ba ni, sa nga mi te tena d’i, kayam ni mam ba, mi b’e vunam yam ahle suma ngat buzuna tua ba, suma a yazïna a te tua. Agi b’ad’agi atogo, agi mba fumu.