Ezekiyel 38:22 - Bible azumeina

²² An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Ezekiyel 38:22 ပူးပေါင်းရင်းမြစ်များ

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Isai 28:17

An mba ni hle gagazid’a d’igi regle ma nga ahlena na, an mba ni hle d’ingêra d’igi nivo ma gol gongîyona na mi. Mogoina mba mi pleyêgi yima ka zla ma agi ngeyegi tagi kuana woyo, mbina mba mi hle yi magi ma aboi ma agi kagagi kuana woi mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 34:3

Mad’azi mi nga tchuka kä andaga, mad’azi nga mi his hir, buzuwazi nga mi djangî kä ata ahinad’a mi.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Jeremi 25:31

Delem mba nga d’i ngir kä d’a, ti i gak ti ndeza woi avun dabid’a handagad’id’a, kayam Ma didina nga mi le sariyad’a kandjaf suma, nga mi ka sariyad’a yam andjaf suma pet, mi tchi suma asa’atna ki mbigeu d’a fiyaka. Ma didina mi de na.

Ezekiyel 13:11

Ang de mi suma a nga gulud’um ki lasod’ina ala: Alo ma se ma tchona mba mi mba, mogoi ma nglona mba mi yak kä, babar ma ngolâ mba mi mba. Gulumun máma mba mi to kä woyo.

Ezekiyel 28:23

An mba ni sunï tugud’ei d’a tcho d’a tchi matna kurungû, buzuna mba mi djang kä ir palum manga. Suma a mba durungâ a mba tchi suma ngola kä kurung ki mbigeu d’a fiyak ka tcholï ata yima lara ge peta. Hina wani, suma pet a mba wala an ni Ma didina.

Ezekiyel 39:6

An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.

Ezekiyel 5:17

An mba ni sunugï baktarad’a kamburei suma ayîna, a mba dabagi grogina woyo. Tugud’ei d’a tcho d’a tchi matna ki murud’umba kayî ma durâ a mba mba kagiya. Ni an Ma didina ba, nga ni dagiya.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Matiye 7:27

Alona mi se, mbiyo ma kä na mi kuza, babarâ mi le bibik giget gong ndata mi, ti to kä woi ndjandjap, ti b’lak kei kakazeî mi.

Josue 10:11

Kid’a azi nga ring avok Israel-lâ a sulugot kä Bet-Horon-nda, Ma didina mi sazi mogoi ma nglona kazi ei akulo gak a mba Azeka; a bo ablaud’a. Suma a bo abo mogoinina ablaud’a kal suma Israel-lâ a tchazi ki mbigeu d’a fiyakina.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.

Vama ndum mbeina 16:21

Mogoi ma nglona mi tcholï akulo, nga mi yak kä yam suma. Anek mamba ni kilona dok fid’i. Suma a ngul Alona abo mogoi ma tcho mama kayam mi yagï kä ngola heî.

Vama ndum mbeina 20:9

Azi i yam andagad’a pet, azi ngui yima kaka hi suma hAlonina kazì ma ngol ma Alona mi le kama. Wani akud’a ti tcholï akulo mba d’i ngalazi woyo.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.