Ezekiyel 38:13 - Bible azumeina

¹³ Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Ezekiyel 38:13 ပူးပေါင်းရင်းမြစ်များ

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 33:23

A but ziyo ma’â woi da’, a nga ve ziyo ma kak akulo ata agunina kä ngingring nguo d’a, a nga b’eng barud’a woi akulo kak kuo mi. Ata yi máma a mba b’rau ahle suma ablau suma a hurumuzï avun ayînina, suma dileîd’a pî a mba fe b’rau mazid’a kur ahle ndazina mi.

Jeremi 15:13

Ma didina mi dala: Agi suma Juda-na, an mba ni he lovota mi suma á hurum bege magid’a ki ndjondjoî magid’a hawa yam tcho d’a agi lat kur ambas magid’a peta.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 51:38

Suma Babilon-na a mba tchi d’igi azlona na, a mba gureî d’igi gro azlona na.

Ezekiyel 25:13

Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka.

Ezekiyel 27:12

Suma Tarsis-sâ a mbut abozi ni kahle mang suma a sam mbei atang duzîna, a gus ahle mangâ ki bege d’a hapa ki kawei ma wurana ki dorona ki kawei ma anek ma a nga kahlenina.

Ezekiyel 27:15

Suma Dedan-na a mbut abozi ni ki sed’engû, suma kur tilina ablaud’a a mbut ni suk mangâ, a nga mbang ki sï ahlo’â kagu ebena á gus ahle mangâ.

Ezekiyel 27:20

Suma Dedan-na a nga mbut abozi ki sed’eng ki borogo ma a zlubum huyok akulumeinina.

Ezekiyel 27:25

Bato d’a Tarsis-sa nga d’i zi ahle suma kurungâ yam mbina. Ahlena a nga oîd’a kurung d’igi bato d’a hur alum ma ngolîd’a na mi.

Ezekiyel 32:2

Ang gor sana, ang tchi horâ yam Faron amul ma Ezipte-na, ang dum ala: Ang hle tangî d’igi gor azlona na aduk andjaf suma, angî d’igi hurum ma nga kä kur alum ma ngolîna na. Ang nga djang kä kur alum mangâ, ang nga mbut mbina dodopa kasengû, ang nga sulul abil mama akulo.

Joel 3:8

An mba ni guzugi grogi suma andjofâ ki grogi suma aropma woi abo suma Juda-na. Azi mba hulong guzuzi woi abo suma Sabe suma sä deina mi. Wana ni zla d’a Ma didina mi data.

Zakari 11:3

Agi humugi siwela hi suma polid’a, kayam djif mazina mi b’lak kei da’, agi humugi siwela hi gro azlonid’a, kayam agu d’a ndindik ka avun alum ma Jurdê-nid’a ti dap pei da’.