Ezekiyel 36:8 - Bible azumeina

⁸ Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo.

Ezekiyel 36:8 ပူးပေါင်းရင်းမြစ်များ

Sawal la giled’a 67:6

Alo mamina, ar andjaf suma a suburungû, ar andjaf suma pet a suburungû.

Sawal la giled’a 85:12

Gagazid’a mba d’i tcholï ka andaga; d’ingêra hAlonid’a mba d’i tcholï nakulo mi.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Isai 30:23

Ma didina mba mi sagi alona yam awu ma agi mba zaram kä na. Awu ma andagad’a mba d’i wulugizina mba mi mbut ni te ma djivi ma d’or sumina. Kur bur máma agi pologi d’uwar magina ata yima te hat ma vivid’i’â mi.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 65:9

An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Ezekiyel 12:25

Kayam an ni Ma didina, an nga ni de. Zla d’a an data mba d’i ndak vun sun mata bei lilinga ba. Agi andjaf ma bei hum vuna ba na, kur atchogoi magid’a an mba ni de zlad’a, an mba ni ndagat vunat mi. Ni an Salad’a Ma didina ba, ni de zla ndata.

Ezekiyel 17:23

An mba ni pum akulo yam ahina d’a fiyak ka Israel-la, mba mi ruî abom mbeyo, mba mi vud’a, mba mi mbut nagu sedre ma djivina. Andjaf aluweina pet a mba kak kä ad’umu, a mba kak kä ad’u anguzu abomu, a mba tuk taziya.

Ezekiyel 36:7

An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!

Joel 2:22

Ahle suma abageina, ar agi lagi mandar ri. Yima te hat ma hur fulîna nga mi d’uva, aguna nga mi vud’a, tulumeina ki guguzlud’a a nga hô vuta hôhô mi.

Joel 2:24

Yima to awuna mba mi oî kawuna, zul la miret guguzlud’a mba d’i oî ki süm guguzlu d’a awilid’a ki mbulâ, a mba sulul kä woi mi.

Filip-ma 4:5

Ar agi tagagi luluma magid’a woi avok suma pet, kayam Salad’a mi ar go á mbad’a.

Hebre-na 10:37

D’igi a de kur mbaktumba hAlonid’a na ala: Yina ar nde, Ma nga mbana nga mi mba, nga mi le lilinga d’i.