Ezekiyel 35:3 - Bible azumeina

³ Ang dat ala: Salad’a Ma didina mi dala: Gola! Ndak ahina d’a Seir-ra, an nga ni iza atagu, abon nga zid’a akulo kan atagu, an nga ni arak vak wiwir ni mbud’uk fula.

Ezekiyel 35:3 ပူးပေါင်းရင်းမြစ်များ

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 21:13

Ma didina mi dala: Agi suma Jerusalem suma nga kaka akulo yam ahina d’a yat papana d’a kal hora akulod’ina, an nga ni dur ki sed’egiya. Agi suma nga dagi ala: Ni nge mba mi tchugï asem kä á duri d’oze mi kal ata yi mei ma domina ge na, an nga ni dur ki sed’egiya.

Jeremi 49:13

An Ma didina, ni gun tan ki an tanda ala azì magi ma ngol ma Bosra-na mba mi mbut ni vama hohoud’a, vama ngula, vama b’laka ki vama ge vuna. Azì mam ma nglo ma nguyuma pet mba mi b’la’î b’lak ka didinda.

Jeremi 49:17

Azì ma Edom-ma mba mi mbut vama hohoud’a. Suma a mba kal gevema a mba le atchap, a mba tchi kukurup yam b’lak mamba.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Jeremi 6:12

Fata an ni mat abon á ngop suma a nga kaka kur ambasina, aziyazi kasinezi kamiyôzina a mba arî mi suma dingâ.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Ezekiyel 25:13

Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka.

Ezekiyel 29:10

ni kayam ndata ba, an nga ni mba á durung kalum mangâ, an mba ni b’lak ambas sa Ezipte-d’a, ni mbud’ut djona, tinï ad’ud’a Mikdol dei gak mba Asuwan ir haga d’a Etiyopi-d’a.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Ezekiyel 35:7

Ndak ahina d’a Seir-ra, an mba ni arak djona, an mba ni arak vak wiwir, an mba ni tchi suma a buzuk kei ka’â ki suma a mba ka’â woi mi.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Nahum 3:5

Ma didin ma ad’engêm kal petna mi dala: An nga ki zlad’a ki sed’egu, an mba ni yok vun baru maka akulo woi iragu, an mba ni arak gandilad’a woi ir andjaf suma, an mba ni arak zulo ma’â woi ir suma kur leud’ina mi.

Malatchi 1:3

wani an noî Esau. An mbut ahuniyô mama vama hohoud’a, an he djo mama mi hâ ma hur fulîna.