Ezekiyel 32:27 - Bible azumeina

²⁷ A tozozi nga ki azigar suma gangrang suma avok suma a mbut suma a nga kaka ki irazi yam andagad’a mandarâ adjeuna d’i. Sum ndazina ni suma a i kä azulei kahle mazi suma dur ayîna atazina, mbigeu mazi d’a fiyaka ti nga kä ad’u yaziya, mboriyo mazina a nga tchuka didigazi mi.

Ezekiyel 32:27 ပူးပေါင်းရင်းမြစ်များ

Wana ni mbaktumba hi Job-pa 20:11

Ad’eng nga mam nga ki sed’et kazongômba, mba mi i kä ki sed’et aduk andaga d’a gugud’upa mi.

Sawal la giled’a 109:18

Ar mi tchuk vun ma ged’a atam d’igi mi tchuk baru mamba atam na! Ar vun ma ged’a mi djang kam kä d’igi mbina mi djang kurum na, d’igi mbulâ mi tit aduk asogom na mi!

Sawal la giled’a 49:14

Wana ni zlad’a hi suma a nga tin huruzi yam azi tazi go na, ki zlad’a hi suma tazi lazi djivid’a á hum zla mazid’ina mi. Tchol ndjö

Sawal la giled’a 92:7

Sama bei ned’a mi ndak á wat ad’ut ti, sama lilid’a mi ndak á humut tuo mi.

Sawal la giled’a 92:9

Wani Ma didina, ang nga kaka akulo gak didin.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Isai 14:16

Suma azulei suma a wangâ nga so irazi kang á gola, a nga golong baba, a dala: Wana ni sama giget andagad’a ma mbut leud’a mandara

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Ezekiyel 18:20

Ni sama nga mi le tchod’ina ba, mba mi mid’a. Gorâ nga mi zi tchod’a habumba d’i, abud’a nga mi zi tchod’a hi goromid’a d’uo mi. A mba wurak sama d’ingêrâ ni yam sun mam mba d’ingêra, wani a ngop sama asa’atna ni yam sun mam mba asa’ata mi.

Ezekiyel 26:17

A mba ge horâ kang ala: Ni me ba, ang b’lak kei hina ge? Ang azì ma suma djang kur alum ma ngolîna a nga kaka kurungâ, ang azì ma ngol ma simiyêng nde yina ma nga kad’enga yam alum ma ngolîna, ang ma suma a nga kaka kurung suma a nguyuzina a nga le mandarâ abozina.

Ezekiyel 32:21

Grang suma sib’ika zlapa ki suma a ndjunuzina a mba de tazi ata yima azuleina ala: Suma bei ngat bayâd’a suma a tchazi avun ayînina a tchuk asezi kä, a bur kä adigeya!

Ezekiyel 32:28

Agi Ezipte-na, agi mba bogiya, a mba tozogi aduk suma bei ngat bayâ suma a tchazi avun ayînina.

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

2 Korente-na 10:4

Ahle mami suma dur ayîna a nga nahlena hi suma bei he gagazid’ina d’i, wani nahle suma dur ayî suma ad’eng suma hAlonina á to gulumun ma ad’eng ma ngunguna hi ma djangûnina kä woyo. Ami pleyêmi tuguyo d’a hawa yaka hi sumid’a