Ezekiyel 32:26 - Bible azumeina

²⁶ Amul ma Mese’â kamul ma Tubal-lâ a nga kua ki azigar mazina. Asud’a hi azigar mazinid’a ti nguyuziya. Suma bei ngat bayâ ndazina pet a tchazi navun ayîna, azi ni suma a mbut suma a nga kaka ki irazi yam andagad’ina mandarâ adjeuna.

Ezekiyel 32:26 ပူးပေါင်းရင်းမြစ်များ

Ad’u Tinda 10:12

ki ma Resen-na. Resen nazì ma ngolâ aduk Ninif ki Kala.

Ad’u Tinda 10:2

Jafet groma ba wana: Gomer, Magok, Madai, Javan, Tubal, Mesek ki Tiras.

1 Sunda Hamuleinid’a 1:5

Jafet groma ba wana: Gomer, Magok, Madai, Javan, Tubal, Mesek ki Tiras.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Ezekiyel 27:13

Suma Javan-na ki suma Tubal-lâ ki suma Mese’â a mbut abozi ni ki sed’engû, a hang magumeina kahle suma a lazi ki kawei ma hleunina á mbut kahle mang suma a nga guzuzi woina.

Ezekiyel 32:27

A tozozi nga ki azigar suma gangrang suma avok suma a mbut suma a nga kaka ki irazi yam andagad’a mandarâ adjeuna d’i. Sum ndazina ni suma a i kä azulei kahle mazi suma dur ayîna atazina, mbigeu mazi d’a fiyaka ti nga kä ad’u yaziya, mboriyo mazina a nga tchuka didigazi mi.

Ezekiyel 32:32

An ar Faron mi mbut suma a nga kaka ki irazi yam andagad’ina mandarâ adjewe, wani ki tchetchemba, mam tamba ki azigar mama, a mba tozozi aduk suma bei ngat bayâ suma a tchazi avun ayînina. An Salad’a Ma didina ni de na.

Ezekiyel 39:1

Ma didina mi dan ala: Ang gor sana, ang djok vuna mi Gok. Ang dum ala: Salad’a Ma didina mi dala: Gola! Ang Gok, amulâ hi suma Ros-sâ hi suma Mese’â hi suma Tubal-lâ, an nga ni iza atang á durâ.