Ezekiyel 32:24 - Bible azumeina

²⁴ Gola! Amul ma Elam-ma mi nga kua ki azigar mama. Asud’a hi azigar mam suma a tchazi avun ayînina pet ti ngui asu mamba. Azi ni suma bei ngat bayâd’ina, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma ding suma a i kä azuleina.

Ezekiyel 32:24 ပူးပေါင်းရင်းမြစ်များ

Ad’u Tinda 10:22

Sem groma ba wana: Elam, Asur, Arpaksat, Lut ki Aram.

Ad’u Tinda 14:1

Wani kur atchogoi ndata, Amrafel amul ma Sinar-râ, Ariyok amul ma Elasar-râ, Kedorlaomer amul ma Elam-ma ki Tidal amul ma Goyim-ma,

1 Sunda Hamuleinid’a 1:17

Sem groma ba wana: Elam, Asur, Arpaksat, Lut, Aram, Us, Hul, Geter ki Mesek mi.

Wana ni mbaktumba hi Job-pa 28:13

Sa nga mi wat guzut ti, sa nga mi fat yam andagad’a hi suma a nga ki irazina d’uo mi.

Sawal la giled’a 142:5

Ang gol irang ata abon ma ndjufâ, ang wala sama wana nga d’i, yima an ngei tan kuana nga d’i, sama djib’er kana nga d’uo mi.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 38:11

An de kurun kua ala: An mba ni we Ma didina kua yam andagad’a hi suma a nga kaka ki irazina d’uo, an mba ni we sa tu aduk suma a nga kaka kur duniyad’ina d’uo mi.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Jeremi 25:25

An hum mamulei suma Zimri-na, mamulei suma Elam-ma kamulei suma Mede-na pet mi.

Ezekiyel 16:52

Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!

Ezekiyel 16:54

Kayambala ndak ve tak kur zulo ma’â, ndak mbut zulona yam ahlena pet suma ndak lazina, ndak mbut ni vama b’leng hurâ kaziya d’a.

Ezekiyel 26:20

An mba ni gang kä kur zul la yiyika gen suma mat suma a nga kä adjeu dedeina. Ang mba ar kaka kä ad’u andagad’a d’igi suma a b’lak kei dedeina na, zlapa ki suma mat suma a bo avorongâ, ang dok djagï akulo á kaka aduk suma a nga ki irazi yam andagad’ina d’uo d’a.

Ezekiyel 31:14

A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Ezekiyel 31:18

Ang hle tangî kagu me ma subur ma ngol ma aduk agu ma Eden-na ge? A mba zud’ung kä kagu ma Eden-na kä ad’u andagad’a. Ang mba bur kä aduk suma bei ngat bayâd’a zlapa ki suma a tchazi avun ayînina. Wana nahle suma a mba yam Faron kablau mambina. An Salad’a Ma didina ni de na.

Ezekiyel 32:18

Ang gor sana, ang tchi yam suma ablau suma Ezipte-na, ang zud’uzi kä, zlapa ki gro aropma handjaf suma ad’engîna kä ad’u andagad’a, zlapa ki suma a i kä azuleina.

Ezekiyel 32:19

Agi kalagi ni nge ki djifâ ge? Agi i burugi kä aduk suma bei ngat bayâd’ina.

Ezekiyel 32:21

Grang suma sib’ika zlapa ki suma a ndjunuzina a mba de tazi ata yima azuleina ala: Suma bei ngat bayâd’a suma a tchazi avun ayînina a tchuk asezi kä, a bur kä adigeya!

Ezekiyel 32:25

Amul ma Elam-ma mi nga burâ yam azang mama ki azigar mama aduk suma a tchazi avun ayînina. Asud’a hi azigar mamid’a ti nguyumu. Suma bei ngat bayâ ndazina pet a tchazi navun ayî ma durâ, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma azulei suma ding suma a tchazi avun ayînina.

Ezekiyel 32:30

Gola! Suma nglo suma abo ma norâ pet ki suma Sidon-na pet a nga kua, ni suma a i kä azulei ki suma a tchazina. Azi ni grang suma a mbut suma mandarâ adjeuna pî, ki tchetchemba, suma bei ngat bayâ ndazina a i wa azulei ki zulona, zlapa ki suma ding suma a tchazi avun ayînina.

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Ezekiyel 44:13

Ar azi mba avoron á le sun nda ngat buzuna d’i, ar azi hut go kahle suma a tinizi irazi vazi kana d’i, ar azi kal kur Yi man ma a tinim iram vam ma kal teglesâ d’uo mi. Hina wani, azi mba zi aneka hi sun mazi d’a zulo d’a ndjendje d’a azi lata kaziya.

Daniel 8:2

Vama an wum ata yima vana nde tam mbei irana ba wana: Kid’a an nga ni gol vama nde tam mbei irana tua d’a, an gol wani, an navo Sus kur azì ma ngol ma kur andaga d’a Elam-mbina, ata yima an nga ni gol vama nde tam mbei irana tua na. Gol wani, an navun alum ma Ulai-na.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Matiye 11:23

Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo. Kayam an ladjï le sun nda ndandala aduk suma Sodom-ma d’igi an lat adigagi na ni, Sodom mbi nga gak ini tua.