Ezekiyel 32:15 - Bible azumeina

¹⁵ Fata an mba ni mbut ambas sa Ezipte-d’a djona mba ni dap ahle suma kurutna woi pet ni tchi suma kurutna woi pet mi d’a, azi mba wala an ni Ma didina.

Ezekiyel 32:15 ပူးပေါင်းရင်းမြစ်များ

Sawal la giled’a 24:1

Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Buzuk ka Abud’a 14:18

Ata yima an mba ni mbut vama subura yam Faron ki pus mama ki mam suma djang akulumeinina, Ezipte-na a mba wala an ni Ma didina.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Ezekiyel 29:12

An mba ni mbut ambas sa Ezipte-d’a djona kal ambas sa ding nga teteng nga ar djonid’a, azì mat ma nglona mba mi ar djona kal azì ma nglo ma teteng ma ar djonina gak biza d’a dok fid’i, an mba ni djoî Ezipte-na woi aduk andjaf suma dingâ, an mba ni digizi woi kur ambasa teteng mi.

Ezekiyel 30:19

An mba ni ka sariyad’a yam Ezipte-na. Hina wani, azi mba wala an ni Ma didina.

Ezekiyel 30:26

An mba ni ndjoî Ezipte-na woi aduk andjaf suma dingâ, an mba ni ndjoyôzi woi yam ambasa teteng mi. Hina wani, azi mba wala an ni Ma didina.

Ezekiyel 32:14

An Salad’a Ma didina ni dala: An mba ni tchol mbiyo mazina b’et, an mba ni mbut alum mazina aneka d’igi mbulâ na.

Ezekiyel 6:7

Mad’a suma mba mi tchuk kä adigagiya, agi mba wagi ala an ni Ma didina.