Ezekiyel 31:4 - Bible azumeina

⁴ Alo ma sed’a mi hum ad’enga, mbiyo ma kä andagana mi deyêmu. Mbiyo máma mi djang ata yima sideyem nga kuana pet, mbiyo máma mi djang gak mi i ad’u agu ma abageina pet.

Ezekiyel 31:4 ပူးပေါင်းရင်းမြစ်များ

Zla d’a d’ogolâ 14:28

Le suma a nga ablaud’a kur leud’a ni, ni subura hamulîd’a, wani le suma a feyâ ni, ni b’laka hi ma te yambid’a mi.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Ezekiyel 17:5

Mi pad’ï agu ma gor ma mi deî kä hur ambasina, mi i mi pum kä ata yima tub’ad’a, mi pum yima mbina kua heîna d’igi da’ara na.

Ezekiyel 17:7

Wani b’aru ma ding ma ngolâ mi nga. Gigingâm fuyogeid’a, hlimid’im ablaud’a heî mi. Gola! Guguzlu d’a a pat kä ndata, kur hat hur matna nga d’i sir sideyet kä abo ma ir b’aru mámina, abot nga mi i abo ma irama tala mi rabat mbina kad’u d’a.

Ezekiyel 17:8

A pat nata yima djivina, ata yima mbina nga kua heîna tala abot mi se mi vud’a, ti mbut guguzlu d’a djivid’a d’a.

Vama ndum mbeina 17:1

Bugola, ma dingâ tu aduk malaika suma kid’iziya suma a nga ki angulei suma kid’iziyana abozina, mi dan ala: Ang mbeya; an mba ni tagang sariya d’a a mba kat yam atcha d’a gaulang nga ngol la aziyat mi nga minda avun alum ma tetenga.

Vama ndum mbeina 17:15

Malaikana mi dan kua ala: Mbiyo ma ang wum ma atcha d’a gaulangâ ti nga kaka kuana, ni suma, nablaud’a, nandjaf suma, ni vun ma de ma tetengâ mi.