Ezekiyel 31:16 - Bible azumeina

¹⁶ Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Ezekiyel 31:16 ပူးပေါင်းရင်းမြစ်များ

Isai 14:15

Wani a zud’ung wa kä ata yima azuleina ad’u zula ad’ut ta dabi d’a yiyika.

Isai 14:8

Agu siprena kagu sedre ma Liban-na pî, a nga le furîd’a yam zla manga ala: Dedei d’a a zud’ung kä d’a, sama djak atami á kad’ina nga d’i.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Ezekiyel 14:22

suma a mba ar kurutna a mba mba ki gro andjofâ ki gro aropma. Gola! A mba buzugï woi a mbeï gevegi kur magomba. Agi mba gologi tit mazid’a ki sun mazi d’a led’a, hurugi mba mi b’leng yam ndak ka an mbat yam Jerusalem-mba, yam ahlena pet suma an mbattchi katna mi.

Ezekiyel 14:23

Fata agi golozi tit mazid’a ki sun mazi led’id’a, hurugi mba mi b’lengâ, agi mba wagi ala ahle suma an mbazi yam Jerusalem petna ni hawa d’i. An Salad’a Ma didina ni de na.

Ezekiyel 26:10

Ablaud’a hakulumei mamid’a mba d’i kulubugi kä ki gugumaziya. Gulumun magina mba mi giget abo siwela hi suma djang akulumei mama, abo pusâ ki pus ma dur ayîna ata yima mam mba mi kal avun agrek magina d’igi sana mi kal kur azì ma ngol ma a hluma na na.

Ezekiyel 26:15

Salad’a Ma didina mi de mazì ma Tir-râ ala: Tila mba d’i giget fata a b’laganga, suma a mba fe mbilîna a mba bo kä kur gulumun mangâ krovo.

Ezekiyel 27:28

Abo tchina hi suma djang batod’ina, suma avun gongôd’id’ina a mba zlak abo mandarâ.

Ezekiyel 31:14

A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Ezekiyel 31:18

Ang hle tangî kagu me ma subur ma ngol ma aduk agu ma Eden-na ge? A mba zud’ung kä kagu ma Eden-na kä ad’u andagad’a. Ang mba bur kä aduk suma bei ngat bayâd’a zlapa ki suma a tchazi avun ayînina. Wana nahle suma a mba yam Faron kablau mambina. An Salad’a Ma didina ni de na.

Ezekiyel 31:3

Gola! Suma Asiri-na ni d’igi agu sedre ma Liban ma abom mi djif heî ma d’ufa gugulî ma wul fiyaka gak yam mbi do d’ugulina na.

Ezekiyel 31:8

Agu sedre ma kur asinena hi an Alonina pî ma mi kalama nga d’i, agu sipre ma nga tam kaboma nga d’i, agu platan ma nga d’igi abom hina na nga d’uo mi. Agu ma kur asinena hi an Alona ma mi nga tam ki sed’em ki djifîna mi nga d’uo.

Ezekiyel 31:9

An hum abo ma djifâ atamu, agu ma Eden ma kur asinena hi an Alonina pet a le yungôra kamu.

Nahum 2:3

Kayam Ma didina nga mi hulong subura mi suma hi Jakob-ma d’igi subura hi Israel-lîd’a na, kayam suma hurumba a hurumuzi wa ahle mazina, a kazi abo guguzlu mazid’a woi mi.

Habakuk 2:17

Kayam ang ka agu d’a Liban-nda woyo, ki tchetchemba, Alona mba mi kang ngei mi. Ang tchazi d’uwar mazina, Alona mba mi tchang mangâ mi; kayam ang tchi suma, ang b’lak ambasa kazì ma nglona ki suma kuruma mi.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.