Ezekiyel 30:9 - Bible azumeina

⁹ Kur bur máma an mba ni sun suma sunda avoron ki batod’a á mbut suma Etiyopi-na mandarâ kur kak mazi d’a tchugota. Ndaka mba d’i mba kazi ngola kur bur ma an mba ni ka sariyad’a yam suma Ezipte-nina. Gola! Ahle ndazina a nga mba.

Ezekiyel 30:9 ပူးပေါင်းရင်းမြစ်များ

Isai 19:17

Andagad’a hi Juda-d’a mba d’i mbut ni vama Ezipte-na a lum mandarama. Ata yima lara ma a mba yat simiyêtna, a mba le mandarâ yam nga hur ma Ma didin ma ad’engêm kal petna mi ngam kurum á kak djangûna ki sed’ezina.

Isai 20:3

Bugol bizad’a hindi, Ma didina mi dala: D’igi azong mana Isai mi tit bei baruna atam bei atuguruna asem biza d’a hindi na, wana ni vama taka ki vama atchapma yam suma Ezipte-na ki suma Etiyopi-na mi.

Isai 20:5

Suma a tin huruzi yam suma Etiyopi-na ki suma a subur tazi yam suma Ezipte-nina, tazi mba d’i tchuk susub’ok, zulona mba mi lazi mi.

Isai 23:5

Fata suma Ezipte-na a hum zla ndatid’a, a mba zlak d’igi suma Tir-râ a zlak abo zla ndata na mi.

Isai 47:8

Ndak ka djifâ heîd’a, ndak ka nga kaka halasa, ndak ka nga de kuruk ala: Sama d’igi an na na nga d’uo an mba ni ar modonod’a d’uo grona a mba dap pei d’uo mi d’a, ndak huma!

Jeremi 49:21

Andagad’a mba d’i giget abo siwel la yam puk mazid’id’a, tchi mazina mba mi i gak nde sä woi avun alum ma ngol ma Tchereuna.

Jeremi 49:31

Ma didina mi dala: Agi tchologi akulo, agi igi ata andjaf ma nga kaka tchugotna, ata suma a nga kaka halasâ. Azi nga ki bapma d’oze kawei ma murgulina atam mbi, a ni kaka woi vazi hina tchilang.

Ezekiyel 24:14

An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Ezekiyel 27:35

Suma a nga kaka kur tilina pet a mbut hohoud’a kangû, amulei mazina a mbut mandarâ, a mbut batuwak mi.

Ezekiyel 33:33

Fata ahle suma ang dazi woina a mbad’a, ata yi máma azi mba wala ma djogon vunana mi nga adigaziya. Gola! Ahle ndazina a nga djïya!

Ezekiyel 38:11

Ang mba dala: An i ni nde suma a nga kaka ki halasa ki tchugota kur ambas sa azì mat ma nglona gulumun nga kam mbi, vun agrek mam nga duka ki kawei ma murgulina d’uo mi na durâ.

Ezekiyel 39:6

An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.

Amos 4:2

Salad’a Ma didina mi gun tam ki tam mba bei tchod’a ba d’a ala: Burâ nga mi mba kagiya, kur bur máma a mba yogi ki kawei ma vunam gundina, a mba yogi grogina ki tunglîd’a mi.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Sofoni 2:12

Ma didina mi dala: Agi suma Etiyopi-na, an mba ni tchagi woi avun ayîna.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

1 Tasaloni’â 5:2

Kayam agi wagi tetet ala bur ma Salad’a mba mi mba kuana ni d’igi sama kula mi mba andjege na.

Suma ka sariyad’a 18:7

Suma vahl ndazina a iya, a mbaza Layis, a fe sumazina a nga kaka ki halasa tchugot d’igi suma Sidon-na na, ki halasa bei djib’era ba. Sa mi nga gevezi á lazi ndak koze á te kazi d’uo mi. Azi ni kaka woi dei ki suma Sidon-na, azi ve nga bana ki suma ding nguo mi.