Ezekiyel 30:22 - Bible azumeina

²² Ni kayam ndata ba, an Salad’a Ma didina ni dala: Gola! An nga ni dur ki Faron amul ma Ezipte-na, an mba ni kuzum bigam mba ki irat ndjaleîd’a ki d’a kus seid’a djak, an mba ni gum mbigeu d’a fiyaka kä woi abomu!

Ezekiyel 30:22 ပူးပေါင်းရင်းမြစ်များ

2 Amuleina 24:7

Wani amul ma Ezipte-na nga mi nde woi abu kur andaga mamba d’i, kayam amul ma Babilon-na mi hle leu mamba pet, tinï ad’ud’a avun toliyon nda Ezipte-d’a dei gak mba avun alum ma Efrat-na.

Sawal la giled’a 37:17

Kayam ad’enga hi suma asa’atnid’a mba d’i dap peyo, wani Ma didina mba mi ndjun suma d’ingêrâ.

Jeremi 37:7

Ang dazi ala: Ma didina Alona hi Israel-lîna mi dala: Agi dagi mamul ma Juda ma mi sunugï geven á djobona ala: Gola! Azigarâ hi Faron suma a mbeï á ndjunugina, a nga hulong yam ambas mazid’a avo Ezipte.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Zakari 11:17

Ni zla d’a hohoud’a yam ma pol ma ka zla ma nga mi ar tumiyôna woina. Ar mbigeu d’a fiyaka ti kam bigam mbeyo, ti tchom iram mba ndjufa woi mi, ar bigam mbi tche mogod’a, ar iram mba ndjufa ti duk kei mi.