Ezekiyel 30:18 - Bible azumeina

¹⁸ Fata an kus ad’enga hi Ezipte-nid’a woi ni d’el ad’eng nga azi subur tazi kata woid’a, afata mba d’i mbut nduvunda yam Tapanes. D’ugula mba d’i duk yam suma Tapanes-sâ, a mba yo yugunei mazina magomba mi.

Ezekiyel 30:18 ပူးပေါင်းရင်းမြစ်များ

Buzuk ka Abud’a 10:15

Ti oî yam andaga d’a Ezipte-d’a pepet. Yina mbut nduvunda yam andagad’a. Ti b’lak asuna woi pet ki vud’aguna kahlena pet suma a ar abo mogoinina. Hum agu ma d’uf foze asu, mi ar nga kur ambas sa Ezipte-d’a d’i.

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Isai 14:11

Subur ta manga ti nde kä azulei zlapa ki tchina hading mangîna; yang ma burâ ni yam ndjuvulâ, ndjuvulâ mi mbut ni borogo ma zlup kangâ mi!

Isai 14:25

An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Jeremi 2:16

Suma Memfis-sâ ki suma Tapanes-sâ pî a mba welegi ma dumaragiya.

Jeremi 27:2

Ang i par ziyona teteng, ang i tchet dju’â teteng mi, ang tchuk suma hiuna kelengû,

Jeremi 28:10

Ata yi máma ma djok vuna Hananiya mi hle dju’â woi kel ma djok vun Alona Jeremi, mi kuzum mbeyo.

Jeremi 28:13

Ang i de mi Hananiya ala: Ma didina mi dala: Ang kus wa djuk ma aguna woyo, wani ang vrak ma kaweina balumu.

Jeremi 30:8

Ma didin ma ad’engêm kal petna mi dala: Fata yina ndaka, an mba ni kus djuk ma anek ma a gazizi kelezina woyo, an mba ni tchalam ziyom mbei mi. Ata yi máma andjaf ma ding mba mi lazi magomba d’uo d’a.

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Hor ma tchina 2:1

Alë! Ni nana ba, Salad’a kur ayî mama mi zlup gor wei d’a Siyon-nda kä ki d’ugula ge? Mi geï subura hi Israel-lîd’a akulo dei gak ti nde kä yam andagad’a. Kur ayî mama mi djib’er nga d’ala ndat ni vama d’igal asema d’a d’i.

Ezekiyel 29:15

Leu mazid’a mba d’i hulong yat kä ad’u leu d’a dinga, a mba hle yazi akulo yam andjaf suma d’uo d’a, an mba ni feyêzi kayambala azi te yam andjaf suma ding nguo d’a.

Ezekiyel 30:23

An mba ni ndjoî Ezipte-na woi aduk andjaf suma dingâ, an mba ni b’rawazi woi yam ambasa teteng mi.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 31:18

Ang hle tangî kagu me ma subur ma ngol ma aduk agu ma Eden-na ge? A mba zud’ung kä kagu ma Eden-na kä ad’u andagad’a. Ang mba bur kä aduk suma bei ngat bayâd’a zlapa ki suma a tchazi avun ayînina. Wana nahle suma a mba yam Faron kablau mambina. An Salad’a Ma didina ni de na.

Ezekiyel 32:7

Fata an tchang ngeid’a, an mba ni duk ir akulod’a, an mba ni duk ir b’od’a hi tchitchiud’id’a, an mba ni duk ir afata ki d’ugula, tilâ mba mi b’o d’uo mi.

Ezekiyel 34:27

Agu ma abageina mba mi vud’a, andagad’a mba d’i wul ahlena mi. Fata an mba ni kuzuzi djuk ma kelezina woi ni prud’uzi woi abo suma azi nga lazi sun nda magombid’a, azi mba kak ki halasa yam andaga mazid’a, azi mba wala an ni Ma didina mi.

Ezekiyel 38:9

Ang ki azigar mangâ pet ki azigarâ handjaf suma ding suma a nga zlapa ki sed’engâ, agi mba tchologi akulo, agi mba kalagi yam ambasa d’igi babarâ na, d’igi d’ugul la ti duk yam andagad’id’a na mi.

Joel 3:15

Afata ki tilâ a mbut nduvunda, tchitchiud’a nga d’i wile d’uo mi.

Sunda hi suma hi Levi-nid’a 26:13

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.