Ezekiyel 30:13 - Bible azumeina

¹³ Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Ezekiyel 30:13 ပူးပေါင်းရင်းမြစ်များ

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Isai 2:18

Fileina ki zlam pet mba mi dap peyo.

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Jeremi 2:16

Suma Memfis-sâ ki suma Tapanes-sâ pî a mba welegi ma dumaragiya.

Jeremi 43:12

An mba ni do akud’a ata azì ma fileina hi Ezipte-na. Nebukanezar mba mi ngalazi woyo, mba mi i ki filei mazina magomba, mba mi zlup ambas sa Ezipte-d’a atam d’igi ma pola mi zlup baru mama atam na, mba mi nde woi kurut ki halasa.

Jeremi 43:13

Mba mi to ahle suma tchet suma Bet-Semes-sâ woi yam ambas sa Ezipte-d’a, mba mi ngal azì ma filei ma Ezipte-na woi kakud’a mi.

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Jeremi 46:19

Agi suma nga kaka Ezipte-na, agi minigi ahligiyegi á i magomba, kayam Nof mba d’i ar djona. Akud’a mba d’i ngalat teyo, a mba fe sama kak kur ri.

Jeremi 46:25

Ma didin ma ad’engêm kal petna, Alona hi Israel-lîna, mi dala: Gola! An nga ni mba á ngop Amon alo ma Tebes-sâ, á ngop Faron ma Ezipte-na kalo mama teteng kamulei mama ki suma a tin huruzi kama mi.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Ezekiyel 30:16

An mba ni do azì ma Ezipte-na akud’a. Suma Sin-na a mba zlaga, suma a mba hulut ir gulumun ma No-na teteng, suma djangûna a mba hle Nof fî falei d’ad’ar.

Wana ni mbaktumba hi Oze-d’a 9:6

Fata agi mba ringîgi abo b’lak ka mba d’i mba yam ambasid’a, Ezipte-na a mba yogiya, azì ma Memfis-sâ mba mi mbut ni yima a tozogi kuana. Kekerezeuna mba mi se yam kawei magi ma hap ma djivi ma kal teglesâ, aweid’a mba d’i se kur zlub’u magid’a mi.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.